| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
១១. ទក្ខិណាវិសុទ្ធិកថាវណ្ណនា
11. Dakkhiṇāvisuddhikathāvaṇṇanā
៨០០-៨០១. ឥទានិ ទក្ខិណាវិសុទ្ធិកថា នាម ហោតិ។ តត្ថ ‘‘យទិ បដិគ្គាហកតោ ទក្ខិណា វិសុជ្ឈេយ្យ, មហប្ផលា ភវេយ្យ។ ទាយកេន ទានំ ទិន្នំ, បដិគ្គាហកេន វិបាកោ និព្ពត្តិតោតិ អញ្ញោ អញ្ញស្ស ការកោ ភវេយ្យ, បរំកតំ សុខទុក្ខំ អាបជ្ជេយ្យ, អញ្ញោ ករេយ្យ, អញ្ញោ បដិសំវេទេយ្យ។ តស្មា ទាយកតោវ ទានំ វិសុជ្ឈតិ, នោ បដិគ្គាហកតោ, ទាយកស្សេវ ចិត្តវិសុទ្ធិ វិបាកទាយិកា ហោតី’’តិ យេសំ លទ្ធិ, សេយ្យថាបិ ឧត្តរាបថកានំ; តេ សន្ធាយ បុច្ឆា សកវាទិស្ស, បដិញ្ញា ឥតរស្ស។ អាហុនេយ្យាតិអាទិ ‘‘យទិ បដិគ្គាហកតោ ទានំ ន វិសុជ្ឈេយ្យ, កិមស្ស អាហុនេយ្យាទិភាវោ ករេយ្យា’’តិ ទស្សនត្ថំ វុត្តំ។ អញ្ញោ អញ្ញស្ស ការកោតិ យទិ ទាយកស្ស ទានចេតនា បដិគ្គាហកេន កតា ភវេយ្យ, យុត្តរូបំ សិយា។ តស្ស បន ទានចេតនា បរិសុទ្ធា បដិគ្គាហកសង្ខាតំ វត្ថុំ បដិច្ច មហាវិបាកដ្ឋេន វិសុជ្ឈតិ, តស្មា អចោទនា ឯសា ‘‘បដិគ្គាហកតោ ទានំ វិសុជ្ឈតី’’តិ។
800-801. Idāni dakkhiṇāvisuddhikathā nāma hoti. Tattha ‘‘yadi paṭiggāhakato dakkhiṇā visujjheyya, mahapphalā bhaveyya. Dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyya, paraṃkataṃ sukhadukkhaṃ āpajjeyya, añño kareyya, añño paṭisaṃvedeyya. Tasmā dāyakatova dānaṃ visujjhati, no paṭiggāhakato, dāyakasseva cittavisuddhi vipākadāyikā hotī’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Āhuneyyātiādi ‘‘yadi paṭiggāhakato dānaṃ na visujjheyya, kimassa āhuneyyādibhāvo kareyyā’’ti dassanatthaṃ vuttaṃ. Añño aññassa kārakoti yadi dāyakassa dānacetanā paṭiggāhakena katā bhaveyya, yuttarūpaṃ siyā. Tassa pana dānacetanā parisuddhā paṭiggāhakasaṅkhātaṃ vatthuṃ paṭicca mahāvipākaṭṭhena visujjhati, tasmā acodanā esā ‘‘paṭiggāhakato dānaṃ visujjhatī’’ti.
ទក្ខិណាវិសុទ្ធិកថាវណ្ណនា។
Dakkhiṇāvisuddhikathāvaṇṇanā.
សត្តរសមោ វគ្គោ។
Sattarasamo vaggo.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១៧៦) ១១. ទក្ខិណាវិសុទ្ធិកថា • (176) 11. Dakkhiṇāvisuddhikathā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ១១. ទក្ខិណាវិសុទ្ធិកថាវណ្ណនា • 11. Dakkhiṇāvisuddhikathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ១១. ទក្ខិណាវិសុទ្ធិកថាវណ្ណនា • 11. Dakkhiṇāvisuddhikathāvaṇṇanā
