| Library / Tipiṭaka / តិបិដក • Tipiṭaka / បញ្ចបករណ-មូលដីកា • Pañcapakaraṇa-mūlaṭīkā |
១១. ទក្ខិណាវិសុទ្ធិកថាវណ្ណនា
11. Dakkhiṇāvisuddhikathāvaṇṇanā
៨០០-៨០១. ទក្ខិណាវិសុទ្ធិកថាយំ វិសុជ្ឈេយ្យាតិ ឯតស្ស អត្ថំ ទស្សេន្តោ ‘‘មហប្ផលា ភវេយ្យា’’តិ អាហ។ ទាយកស្សេវ ចិត្តវិសុទ្ធិ វិបាកទាយិកា ហោតីតិ បដិគ្គាហកនិរបេក្ខា បដិគ្គាហកេន បច្ចយភូតេន វិនា ទាយកេនេវ មហាវិបាកចេតនត្តំ អាបាទិកា, បដិគ្គាហកនិរបេក្ខា វិបាកទាយិកា ហោតីតិ អធិប្បាយោ។ អញ្ញោ អញ្ញស្ស ការកោតិ យទិ ទាយកស្ស ទានចេតនា នាម បដិគ្គាហកេន កតា ភវេយ្យ, យុត្តរូបំ សិយាតិ កស្មា វុត្តំ, ននុ លទ្ធិកិត្តនេ ‘‘ទាយកេន ទានំ ទិន្នំ, បដិគ្គាហកេន វិបាកោ និព្ពត្តិតោតិ អញ្ញោ អញ្ញស្ស ការកោ ភវេយ្យា’’តិ វុត្តន្តិ? សច្ចមេតំ, បដិគ្គាហកេន វិបាកនិព្ពត្តនម្បិ បន ទានចេតនានិព្ពត្តនេន យទិ ភវេយ្យ, ឯវំ សតិ អញ្ញោ អញ្ញស្ស ការកោតិ យុត្តរូបំ សិយាតិ អធិប្បាយោ។
800-801. Dakkhiṇāvisuddhikathāyaṃ visujjheyyāti etassa atthaṃ dassento ‘‘mahapphalā bhaveyyā’’ti āha. Dāyakasseva cittavisuddhi vipākadāyikā hotīti paṭiggāhakanirapekkhā paṭiggāhakena paccayabhūtena vinā dāyakeneva mahāvipākacetanattaṃ āpādikā, paṭiggāhakanirapekkhā vipākadāyikā hotīti adhippāyo. Añño aññassa kārakoti yadi dāyakassa dānacetanā nāma paṭiggāhakena katā bhaveyya, yuttarūpaṃ siyāti kasmā vuttaṃ, nanu laddhikittane ‘‘dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyyā’’ti vuttanti? Saccametaṃ, paṭiggāhakena vipākanibbattanampi pana dānacetanānibbattanena yadi bhaveyya, evaṃ sati añño aññassa kārakoti yuttarūpaṃ siyāti adhippāyo.
ទក្ខិណាវិសុទ្ធិកថាវណ្ណនា និដ្ឋិតា។
Dakkhiṇāvisuddhikathāvaṇṇanā niṭṭhitā.
សត្តរសមវគ្គវណ្ណនា និដ្ឋិតា។
Sattarasamavaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១៧៦) ១១. ទក្ខិណាវិសុទ្ធិកថា • (176) 11. Dakkhiṇāvisuddhikathā
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ១១. ទក្ខិណាវិសុទ្ធិកថាវណ្ណនា • 11. Dakkhiṇāvisuddhikathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ១១. ទក្ខិណាវិសុទ្ធិកថាវណ្ណនា • 11. Dakkhiṇāvisuddhikathāvaṇṇanā
