| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៦. ចារិត្តសិក្ខាបទំ
6. Cārittasikkhāpadaṃ
២៩៤. ឆដ្ឋេ កស្មា តេហិ ‘‘ទេថាវុសោ ភត្ត’’ន្តិ វុត្តំ, ននុ ភិក្ខូនំ ឯវំ វត្តុំ ន វដ្ដតីតិ អាហ ‘‘ឯត្ថ តំ កិរា’’តិអាទិ។ តស្មាតិ យស្មា អភិហដំ អហោសិ, តស្មា។
294. Chaṭṭhe kasmā tehi ‘‘dethāvuso bhatta’’nti vuttaṃ, nanu bhikkhūnaṃ evaṃ vattuṃ na vaṭṭatīti āha ‘‘ettha taṃ kirā’’tiādi. Tasmāti yasmā abhihaṭaṃ ahosi, tasmā.
២៩៥. ឥទំ បន វចនំ អាហាតិ សម្ពន្ធោ។ បសាទញ្ញថត្តន្តិ បសាទស្ស អញ្ញេនាការេន ភាវោ។ នន្តិ ខាទនីយំ។ ‘‘គហេត្វា អាគមំសូ’’តិឥមិនា ‘‘ឧស្សារិយិត្ថា’’តិ ឯត្ថ ឧការស្ស ឧគ្គហត្ថតញ្ច សរធាតុស្ស គត្យត្ថតញ្ច អជ្ជតនិញុំវិភត្តិយា ត្ថត្តញ្ច ទស្សេតិ, ឧគ្គហេត្វា សារិំសុ អគមំសូតិ អត្ថោ។
295. Idaṃ pana vacanaṃ āhāti sambandho. Pasādaññathattanti pasādassa aññenākārena bhāvo. Nanti khādanīyaṃ. ‘‘Gahetvā āgamaṃsū’’tiiminā ‘‘ussāriyitthā’’ti ettha ukārassa uggahatthatañca saradhātussa gatyatthatañca ajjataniñuṃvibhattiyā tthattañca dasseti, uggahetvā sāriṃsu agamaṃsūti attho.
២៩៨. យត្ថាតិ យស្មិំ ឋានេ។ ឋិតស្ស ភិក្ខុនោ ចិត្តំ ឧប្បន្នន្តិ យោជនា។ តតោតិ ចិត្តុប្បន្នតោ។ យន្តិ ភិក្ខុំ។ បកតិវចនេនាតិ ឧច្ចាសទ្ទមកត្វា បវត្តេន សភាវវចនេន។ អន្តោវិហារេតិ វចនស្ស អតិសម្ពាធត្តា អយុត្តភាវំ មញ្ញមានោ អាហ ‘‘អបិ ច អន្តោឧបចារសីមាយា’’តិ។
298.Yatthāti yasmiṃ ṭhāne. Ṭhitassa bhikkhuno cittaṃ uppannanti yojanā. Tatoti cittuppannato. Yanti bhikkhuṃ. Pakativacanenāti uccāsaddamakatvā pavattena sabhāvavacanena. Antovihāreti vacanassa atisambādhattā ayuttabhāvaṃ maññamāno āha ‘‘api ca antoupacārasīmāyā’’ti.
៣០២. គាមស្ស អន្តរេ អារាមោ តិដ្ឋតីតិ អន្តរារាមោ វិហារោ, តំ គច្ឆតីតិ ទស្សេន្តោ អាហ ‘‘អន្តោគាមេ’’តិអាទីតិ។ ឆដ្ឋំ។
302. Gāmassa antare ārāmo tiṭṭhatīti antarārāmo vihāro, taṃ gacchatīti dassento āha ‘‘antogāme’’tiādīti. Chaṭṭhaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៥. អចេលកវគ្គោ • 5. Acelakavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៦. ចារិត្តសិក្ខាបទវណ្ណនា • 6. Cārittasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៦. ចារិត្តសិក្ខាបទវណ្ណនា • 6. Cārittasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៦. ចារិត្តសិក្ខាបទវណ្ណនា • 6. Cārittasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៦. ចារិត្តសិក្ខាបទវណ្ណនា • 6. Cārittasikkhāpadavaṇṇanā
