| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៧. មហានាមសិក្ខាបទំ
7. Mahānāmasikkhāpadaṃ
៣០៣. សត្តមេ ‘‘ភគវតោ’’តិបទំ ‘‘ចូឡបិតុបុត្តោ’’តិបទេ សម្ពន្ធោ, ‘‘មហល្លកតរោ’’តិបទេ អបាទានំ។ ចូឡបិតុបុត្តោតិ សុទ្ធោទនោ, សក្កោទនោ, សុក្កោទនោ, ធោតោទនោ, អមិតោទនោតិ បញ្ច ជនា ភាតរោ, អមិតា, បាលិតាតិ ទ្វេ ភគិនិយោ។ តេសុ ភគវា ច នន្ទោ ច ជេដ្ឋភាតុភូតស្ស សុទ្ធោទនស្ស បុត្តា, អានន្ទោ កនិដ្ឋភាតុភូតស្ស អមិតោទនស្ស បុត្តោ, មហានាមោ ច អនុរុទ្ធោ ច តតិយស្ស សុក្កោទនស្ស បុត្តា។ សក្កោទនធោតោទនានំ បុត្តា អបាកដា។ តិស្សត្ថេរោ អមិតាយ នាម ភគិនិយា បុត្តោ, បាលិតាយ បុត្តធីតរា អបាកដា។ តស្មា ចូឡបិតុនោ សុក្កោទនស្ស បុត្តោ ចូឡបិតុបុត្តោតិ អត្ថោ ទដ្ឋព្ពោ។ ទ្វីសុ ផលេសូតិ ហេដ្ឋិមេសុ ទ្វីសុ ផលេសុ។ ឧស្សន្នសទ្ទោ ពហុបរិយាយោតិ អាហ ‘‘ពហូ’’តិ។ វជតោតិ គោដ្ឋតោ។ តញ្ហិ គាវោ គោចរដ្ឋានតោ បដិក្កមិត្វា និវាសត្ថាយ វជន្តិ គច្ឆន្តិ អស្មិន្តិ វជោតិ វុច្ចតិ។
303. Sattame ‘‘bhagavato’’tipadaṃ ‘‘cūḷapituputto’’tipade sambandho, ‘‘mahallakataro’’tipade apādānaṃ. Cūḷapituputtoti suddhodano, sakkodano, sukkodano, dhotodano, amitodanoti pañca janā bhātaro, amitā, pālitāti dve bhaginiyo. Tesu bhagavā ca nando ca jeṭṭhabhātubhūtassa suddhodanassa puttā, ānando kaniṭṭhabhātubhūtassa amitodanassa putto, mahānāmo ca anuruddho ca tatiyassa sukkodanassa puttā. Sakkodanadhotodanānaṃ puttā apākaṭā. Tissatthero amitāya nāma bhaginiyā putto, pālitāya puttadhītarā apākaṭā. Tasmā cūḷapituno sukkodanassa putto cūḷapituputtoti attho daṭṭhabbo. Dvīsu phalesūti heṭṭhimesu dvīsu phalesu. Ussannasaddo bahupariyāyoti āha ‘‘bahū’’ti. Vajatoti goṭṭhato. Tañhi gāvo gocaraṭṭhānato paṭikkamitvā nivāsatthāya vajanti gacchanti asminti vajoti vuccati.
៣០៦. តស្មិំ សមយេតិ តស្មិំ បវារណសមយេ។ ‘‘ឯត្តកេហី’’តិបទស្ស នាមវសេន វា បរិមាណវសេន វា ទុវិធស្ស អត្ថស្ស អធិប្បេតត្តា វុត្តំ ‘‘នាមវសេន បរិមាណវសេនា’’តិ។ តេសុ នាមំ សន្ធាយ ឯតំ នាមំ ឯតេសំ ភេសជ្ជានន្តិ ឯត្តកានីតិ វចនត្ថោ កាតព្ពោ, បរិមាណំ សន្ធាយ ឯតំ បរិមាណំ ឯតេសន្តិ ឯត្តកានីតិ វចនត្ថោ កាតព្ពោ។ ‘‘អញ្ញំ ភេសជ្ជ’’ន្តិ ឯត្ថ អញ្ញសទ្ទស្ស អបាទានំ នាមំ វា បរិមាណំ វា ភវេយ្យាតិ អាហ ‘‘សព្ពិនា បវារិតោ’’តិអាទិ។
306.Tasmiṃ samayeti tasmiṃ pavāraṇasamaye. ‘‘Ettakehī’’tipadassa nāmavasena vā parimāṇavasena vā duvidhassa atthassa adhippetattā vuttaṃ ‘‘nāmavasena parimāṇavasenā’’ti. Tesu nāmaṃ sandhāya etaṃ nāmaṃ etesaṃ bhesajjānanti ettakānīti vacanattho kātabbo, parimāṇaṃ sandhāya etaṃ parimāṇaṃ etesanti ettakānīti vacanattho kātabbo. ‘‘Aññaṃ bhesajja’’nti ettha aññasaddassa apādānaṃ nāmaṃ vā parimāṇaṃ vā bhaveyyāti āha ‘‘sabbinā pavārito’’tiādi.
៣១០. យេតិ ទាយកា, បវារិតា ហោន្តីតិ សម្ពន្ធោតិ។ សត្តមំ។
310.Yeti dāyakā, pavāritā hontīti sambandhoti. Sattamaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៥. អចេលកវគ្គោ • 5. Acelakavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៧. មហានាមសិក្ខាបទវណ្ណនា • 7. Mahānāmasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៧. មហានាមសិក្ខាបទវណ្ណនា • 7. Mahānāmasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៧. មហានាមសិក្ខាបទវណ្ណនា • 7. Mahānāmasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៧. មហានាមសិក្ខាបទវណ្ណនា • 7. Mahānāmasikkhāpadavaṇṇanā
