| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
៦. ចារិត្តសិក្ខាបទវណ្ណនា
6. Cārittasikkhāpadavaṇṇanā
២៩៤. សភត្តោតិ និមន្តនភត្តោតិ បោរាណា។
294.Sabhattoti nimantanabhattoti porāṇā.
បុរេភត្តញ្ច បិណ្ឌាយ, ចរិត្វា យទិ ភុញ្ជតិ;
Purebhattañca piṇḍāya, caritvā yadi bhuñjati;
សិយា បរម្បរាបត្តិ, បច្ឆាភត្តំ ន សា សិយា។
Siyā paramparāpatti, pacchābhattaṃ na sā siyā.
បច្ឆាភត្តញ្ច គមិកោ, បុព្ពគេហំ យទិ គច្ឆេ;
Pacchābhattañca gamiko, pubbagehaṃ yadi gacche;
ឯកេ អាបត្តិយេវាតិ, អនាបត្តីតិ ឯកច្ចេ។
Eke āpattiyevāti, anāpattīti ekacce.
កុលន្តរស្សោក្កមនេ , អាបត្តិមតយោ ហិ តេ;
Kulantarassokkamane , āpattimatayo hi te;
សមានភត្តបច្ចាសា, ឥតិ អាហុ ឥធាបរេ។
Samānabhattapaccāsā, iti āhu idhāpare.
មតា គណិកភត្តេន, សមេន្តិ នំ និមន្តនេ;
Matā gaṇikabhattena, samenti naṃ nimantane;
វិស្សជ្ជនំ សមានន្តិ, ឯកេ សម្មុខតាបរេ។
Vissajjanaṃ samānanti, eke sammukhatāpare.
សន្និដ្ឋានត្ថិកេហេវ, វិចារេតព្ពភេទតោ;
Sanniṭṭhānatthikeheva, vicāretabbabhedato;
វិញ្ញូ ចារិត្តមិច្ចេវ, សិក្ខាបទមិទំ វិទូតិ។
Viññū cārittamicceva, sikkhāpadamidaṃ vidūti.
ចារិត្តសិក្ខាបទវណ្ណនា និដ្ឋិតា។
Cārittasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៥. អចេលកវគ្គោ • 5. Acelakavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៦. ចារិត្តសិក្ខាបទវណ្ណនា • 6. Cārittasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៦. ចារិត្តសិក្ខាបទំ • 6. Cārittasikkhāpadaṃ
