| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
៩. រតនវគ្គោ
9. Ratanavaggo
១. អន្តេបុរសិក្ខាបទវណ្ណនា
1. Antepurasikkhāpadavaṇṇanā
៤៩៤-៧. យថា ភគវន្តំ បយិរុបាសតិ, ឯវមាការេន នារហតាយំ បុរិសោ បាបោ ហោតុំ, ន ហោតិ បាបោតិ អត្ថោ, ការណត្ថំ វា។ តន្តិ និបាតមត្តំ, យតោតិ វា អត្ថោ។ ហត្ថិសម្មទ្ទន្តិ សង្ឃាដសម្មទ្ទោ, អក្កមនំ ចុណ្ណតាតិ អត្ថោ។
494-7. Yathā bhagavantaṃ payirupāsati, evamākārena nārahatāyaṃ puriso pāpo hotuṃ, na hoti pāpoti attho, kāraṇatthaṃ vā. Tanti nipātamattaṃ, yatoti vā attho. Hatthisammaddanti saṅghāṭasammaddo, akkamanaṃ cuṇṇatāti attho.
៤៩៨. រតនំ នាម អគ្គមហេសី, តថាបិ ឥធ អញ្ញាបិ ទេវិគោត្តា ន រក្ខតិ, អនាបត្តិវារេ ‘‘ន មហេសី ហោតី’’តិ វចនាភាវតោ។ សចេ ខត្តិយោវ ហោតិ, នាភិសិត្តោ។ អភិសិត្តោយេវ ហោតិ, ន ខត្តិយោ រក្ខតីតិ អាចរិយោ។ អនាបត្តិវារេ មាតិកាដ្ឋកថាយំ អង្គភាវេន ច វុត្តត្តា អភិសិត្តភាវោវបមាណំ។ សេសំ ឧក្កដ្ឋបរិច្ឆេទោតិ ឯកេ។
498.Ratanaṃ nāma aggamahesī, tathāpi idha aññāpi devigottā na rakkhati, anāpattivāre ‘‘na mahesī hotī’’ti vacanābhāvato. Sace khattiyova hoti, nābhisitto. Abhisittoyeva hoti, na khattiyo rakkhatīti ācariyo. Anāpattivāre mātikāṭṭhakathāyaṃ aṅgabhāvena ca vuttattā abhisittabhāvovapamāṇaṃ. Sesaṃ ukkaṭṭhaparicchedoti eke.
៥០០-៥០១. ‘‘ន សយនិឃរេ សយនិឃរសញ្ញី’’តិ តិកច្ឆេទោបិ ឯត្ថ លព្ភតិ។ ន សយនិឃរំ នាម អបរិក្ខិត្តរុក្ខមូលាទិ។
500-501. ‘‘Na sayanighare sayanigharasaññī’’ti tikacchedopi ettha labbhati. Na sayanigharaṃ nāma aparikkhittarukkhamūlādi.
អន្តេបុរសិក្ខាបទវណ្ណនា និដ្ឋិតា។
Antepurasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៩. រតនវគ្គោ • 9. Ratanavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ១. អន្តេបុរសិក្ខាបទវណ្ណនា • 1. Antepurasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ១. អន្តេបុរសិក្ខាបទវណ្ណនា • 1. Antepurasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ១. អន្តេបុរសិក្ខាបទ-អត្ថយោជនា • 1. Antepurasikkhāpada-atthayojanā
