| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၃. ဝိရဒ္ဓသုတ္တံ
3. Viraddhasuttaṃ
၃၃. သာဝတ္ထိနိဒာနံ။ ‘‘ယေသံ ကေသဉ္စိ, ဘိက္ခဝေ, အရိယော အဋ္ဌင္ဂိကော မဂ္ဂော ဝိရဒ္ဓော, ဝိရဒ္ဓော တေသံ အရိယော အဋ္ဌင္ဂိကော မဂ္ဂော သမ္မာ ဒုက္ခက္ခယဂာမီ။ ယေသံ ကေသဉ္စိ, ဘိက္ခဝေ, အရိယော အဋ္ဌင္ဂိကော မဂ္ဂော အာရဒ္ဓော, အာရဒ္ဓော တေသံ အရိယော အဋ္ဌင္ဂိကော မဂ္ဂော သမ္မာ ဒုက္ခက္ခယဂာမီ။ ကတမော စ, ဘိက္ခဝေ, အရိယော အဋ္ဌင္ဂိကော မဂ္ဂော? သေယ္ယထိဒံ – သမ္မာဒိဋ္ဌိ။ပေ.။ သမ္မာသမာဓိ။ ယေသံ ကေသဉ္စိ, ဘိက္ခဝေ, အယံ အရိယော အဋ္ဌင္ဂိကော မဂ္ဂော ဝိရဒ္ဓော, ဝိရဒ္ဓော တေသံ အရိယော အဋ္ဌင္ဂိကော မဂ္ဂော သမ္မာ ဒုက္ခက္ခယဂာမီ။ ယေသံ ကေသဉ္စိ, ဘိက္ခဝေ, အယံ အရိယော အဋ္ဌင္ဂိကော မဂ္ဂော အာရဒ္ဓော, အာရဒ္ဓော တေသံ အရိယော အဋ္ဌင္ဂိကော မဂ္ဂော သမ္မာ ဒုက္ခက္ခယဂာမီ’’တိ။ တတိယံ။
33. Sāvatthinidānaṃ. ‘‘Yesaṃ kesañci, bhikkhave, ariyo aṭṭhaṅgiko maggo viraddho, viraddho tesaṃ ariyo aṭṭhaṅgiko maggo sammā dukkhakkhayagāmī. Yesaṃ kesañci, bhikkhave, ariyo aṭṭhaṅgiko maggo āraddho, āraddho tesaṃ ariyo aṭṭhaṅgiko maggo sammā dukkhakkhayagāmī. Katamo ca, bhikkhave, ariyo aṭṭhaṅgiko maggo? Seyyathidaṃ – sammādiṭṭhi…pe… sammāsamādhi. Yesaṃ kesañci, bhikkhave, ayaṃ ariyo aṭṭhaṅgiko maggo viraddho, viraddho tesaṃ ariyo aṭṭhaṅgiko maggo sammā dukkhakkhayagāmī. Yesaṃ kesañci, bhikkhave, ayaṃ ariyo aṭṭhaṅgiko maggo āraddho, āraddho tesaṃ ariyo aṭṭhaṅgiko maggo sammā dukkhakkhayagāmī’’ti. Tatiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. ပဋိပတ္တိဝဂ္ဂဝဏ္ဏနာ • 4. Paṭipattivaggavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄. ပဋိပတ္တိဝဂ္ဂဝဏ္ဏနာ • 4. Paṭipattivaggavaṇṇanā
