| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
វិនីតវត្ថុវណ្ណនា
Vinītavatthuvaṇṇanā
២២៥-៦. ទុក្ករ អាគារ អាវដកាម អភិរតិវត្ថូសុ ‘‘យទិ ឧល្លបនាធិប្បាយោ ភវេយ្យ, បារាជិក’’ន្តិ វទន្តិ, ការណំ បន ទុទ្ទសំ, ថុល្លច្ចយំ វុត្តំ វិយ, វីមំសិតព្ពំ។ យានេន វា ឥទ្ធិយា វា គច្ឆន្តោបិ បារាជិកំ នាបជ្ជតីតិ បទសា គមនវសេនេវ កតិកាយ កតាយ យុជ្ជតិ។ ‘‘អបុព្ពំអចរិមំ គច្ឆន្តោតិ ហត្ថបាសំ អវិជហិត្វា អញ្ញមញ្ញស្ស ហត្ថំ គណ្ហន្តោ វិយ គច្ឆន្តោ’’តិ វុត្តំ។ ឧដ្ឋេថ ឯថ គច្ឆាមាតិ ឯវំ សហគមនេ បុព្ពាបរា គច្ឆន្តោបិ នាបជ្ជតីតិ អាចរិយស្ស តក្កោ។ វសន្តស្សាតិ តថា វសន្តោ ចេ ឧបាសកេន ទិស្សតិ, បារាជិកោ ហោតិ។ ‘‘រត្តិំ វសិត្វា គច្ឆន្តោ ន បារាជិកោ’’តិ វុត្តំ។ នានាវេរជ្ជកាតិ នានាជនបទវាសិនោ។ សង្ឃលាភោតិ យថាវុឌ្ឍំ អត្តនោ បាបុណនកោដ្ឋាសោ។
225-6. Dukkara āgāra āvaṭakāma abhirativatthūsu ‘‘yadi ullapanādhippāyo bhaveyya, pārājika’’nti vadanti, kāraṇaṃ pana duddasaṃ, thullaccayaṃ vuttaṃ viya, vīmaṃsitabbaṃ. Yānena vā iddhiyā vā gacchantopi pārājikaṃ nāpajjatīti padasā gamanavaseneva katikāya katāya yujjati. ‘‘Apubbaṃacarimaṃ gacchantoti hatthapāsaṃ avijahitvā aññamaññassa hatthaṃ gaṇhanto viya gacchanto’’ti vuttaṃ. Uṭṭhetha etha gacchāmāti evaṃ sahagamane pubbāparā gacchantopi nāpajjatīti ācariyassa takko. Vasantassāti tathā vasanto ce upāsakena dissati, pārājiko hoti. ‘‘Rattiṃ vasitvā gacchanto na pārājiko’’ti vuttaṃ. Nānāverajjakāti nānājanapadavāsino. Saṅghalābhoti yathāvuḍḍhaṃ attano pāpuṇanakoṭṭhāso.
២២៨. ឥធាតិ ‘‘កោ នុ ខោ’’តិអាទិនា វុត្តេ បញ្ហាកម្មេ។ ធម្មធាតុ សព្ពញ្ញុតញ្ញាណំ។
228.Idhāti ‘‘ko nu kho’’tiādinā vutte pañhākamme. Dhammadhātu sabbaññutaññāṇaṃ.
២៣២. ន ឧប្បដិបាដិយាតិ ន សីហោក្កន្តវសេន អនុស្សរិ។ តស្មា អន្តរាភវភូតា ឯកា ឯវ ជាតីតិ បដិវិជ្ឈតីតិ អត្ថោ។
232.Nauppaṭipāṭiyāti na sīhokkantavasena anussari. Tasmā antarābhavabhūtā ekā eva jātīti paṭivijjhatīti attho.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៤. ចតុត្ថបារាជិកំ • 4. Catutthapārājikaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៤. ចតុត្ថបារាជិកំ • 4. Catutthapārājikaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / វិនីតវត្ថុវណ្ណនា • Vinītavatthuvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / វិនីតវត្ថុវណ្ណនា • Vinītavatthuvaṇṇanā
