| Library / Tipiṭaka / តិបិដក • Tipiṭaka / ថេរីគាថាបាឡិ • Therīgāthāpāḷi |
២. វិមលាថេរីគាថា
2. Vimalātherīgāthā
៧២.
72.
‘‘មត្តា វណ្ណេន រូបេន, សោភគ្គេន យសេន ច;
‘‘Mattā vaṇṇena rūpena, sobhaggena yasena ca;
យោព្ពនេន ចុបត្ថទ្ធា, អញ្ញាសមតិមញ្ញិហំ។
Yobbanena cupatthaddhā, aññāsamatimaññihaṃ.
៧៣.
73.
‘‘វិភូសេត្វា ឥមំ កាយំ, សុចិត្តំ ពាលលាបនំ;
‘‘Vibhūsetvā imaṃ kāyaṃ, sucittaṃ bālalāpanaṃ;
អដ្ឋាសិំ វេសិទ្វារម្ហិ, លុទ្ទោ បាសមិវោឌ្ឌិយ។
Aṭṭhāsiṃ vesidvāramhi, luddo pāsamivoḍḍiya.
៧៤.
74.
‘‘បិលន្ធនំ វិទំសេន្តី, គុយ្ហំ បកាសិកំ ពហុំ;
‘‘Pilandhanaṃ vidaṃsentī, guyhaṃ pakāsikaṃ bahuṃ;
អកាសិំ វិវិធំ មាយំ, ឧជ្ជគ្ឃន្តី ពហុំ ជនំ។
Akāsiṃ vividhaṃ māyaṃ, ujjagghantī bahuṃ janaṃ.
៧៥.
75.
‘‘សាជ្ជ បិណ្ឌំ ចរិត្វាន, មុណ្ឌា សង្ឃាដិបារុតា;
‘‘Sājja piṇḍaṃ caritvāna, muṇḍā saṅghāṭipārutā;
និសិន្នា រុក្ខមូលម្ហិ, អវិតក្កស្ស លាភិនី។
Nisinnā rukkhamūlamhi, avitakkassa lābhinī.
៧៦.
76.
‘‘សព្ពេ យោគា សមុច្ឆិន្នា, យេ ទិព្ពា យេ ច មានុសា;
‘‘Sabbe yogā samucchinnā, ye dibbā ye ca mānusā;
ខេបេត្វា អាសវេ សព្ពេ, សីតិភូតាម្ហិ និព្ពុតា’’តិ។
Khepetvā āsave sabbe, sītibhūtāmhi nibbutā’’ti.
… វិមលា បុរាណគណិកា ថេរី…។
… Vimalā purāṇagaṇikā therī….
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរីគាថា-អដ្ឋកថា • Therīgāthā-aṭṭhakathā / ២. វិមលាថេរីគាថាវណ្ណនា • 2. Vimalātherīgāthāvaṇṇanā
