| Library / Tipiṭaka / តិបិដក • Tipiṭaka / ថេរីគាថាបាឡិ • Therīgāthāpāḷi |
៣. សីហាថេរីគាថា
3. Sīhātherīgāthā
៧៧.
77.
‘‘អយោនិសោ មនសិការា, កាមរាគេន អដ្ដិតា;
‘‘Ayoniso manasikārā, kāmarāgena aṭṭitā;
អហោសិំ ឧទ្ធតា បុព្ពេ, ចិត្តេ អវសវត្តិនី។
Ahosiṃ uddhatā pubbe, citte avasavattinī.
៧៨.
78.
‘‘បរិយុដ្ឋិតា ក្លេសេហិ, សុភសញ្ញានុវត្តិនី;
‘‘Pariyuṭṭhitā klesehi, subhasaññānuvattinī;
សមំ ចិត្តស្ស ន លភិំ, រាគចិត្តវសានុគា។
Samaṃ cittassa na labhiṃ, rāgacittavasānugā.
៧៩.
79.
‘‘កិសា បណ្ឌុ វិវណ្ណា ច, សត្ត វស្សានិ ចារិហំ;
‘‘Kisā paṇḍu vivaṇṇā ca, satta vassāni cārihaṃ;
នាហំ ទិវា វា រត្តិំ វា, សុខំ វិន្ទិំ សុទុក្ខិតា។
Nāhaṃ divā vā rattiṃ vā, sukhaṃ vindiṃ sudukkhitā.
៨០.
80.
‘‘តតោ រជ្ជុំ គហេត្វាន, បាវិសិំ វនមន្តរំ;
‘‘Tato rajjuṃ gahetvāna, pāvisiṃ vanamantaraṃ;
វរំ មេ ឥធ ឧព្ពន្ធំ, យញ្ច ហីនំ បុនាចរេ។
Varaṃ me idha ubbandhaṃ, yañca hīnaṃ punācare.
៨១.
81.
បក្ខិបិំ បាសំ គីវាយំ, អថ ចិត្តំ វិមុច្ចិ មេ’’តិ។
Pakkhipiṃ pāsaṃ gīvāyaṃ, atha cittaṃ vimucci me’’ti.
… សីហា ថេរី…។
… Sīhā therī….
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរីគាថា-អដ្ឋកថា • Therīgāthā-aṭṭhakathā / ៣. សីហាថេរីគាថាវណ្ណនា • 3. Sīhātherīgāthāvaṇṇanā
