| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৩৯১. ৰিজ্জাধরজাতকং (৬-২-৬)
391. Vijjādharajātakaṃ (6-2-6)
১০৮.
108.
দুব্বণ্ণরূপং তুৰমরিযৰণ্ণী, পুরক্খত্ৰা 1 পঞ্জলিকো নমস্সসি।
Dubbaṇṇarūpaṃ tuvamariyavaṇṇī, purakkhatvā 2 pañjaliko namassasi;
সেয্যো নু তে সো উদৰা 3 সরিক্খো, নামং পরস্সত্তনো চাপি ব্রূহি॥
Seyyo nu te so udavā 4 sarikkho, nāmaṃ parassattano cāpi brūhi.
১০৯.
109.
ন নামগোত্তং গণ্হন্তি রাজ, সম্মগ্গতানুজ্জুগতান 5 দেৰা।
Na nāmagottaṃ gaṇhanti rāja, sammaggatānujjugatāna 6 devā;
অহঞ্চ তে নামধেয্যং ৰদামি, সক্কোহমস্মী তিদসানমিন্দো॥
Ahañca te nāmadheyyaṃ vadāmi, sakkohamasmī tidasānamindo.
১১০.
110.
যো দিস্ৰা ভিক্খুং চরণূপপন্নং, পুরক্খত্ৰা পঞ্জলিকো নমস্সতি।
Yo disvā bhikkhuṃ caraṇūpapannaṃ, purakkhatvā pañjaliko namassati;
পুচ্ছামি তং দেৰরাজেতমত্থং, ইতো চুতো কিং লভতে সুখং সো॥
Pucchāmi taṃ devarājetamatthaṃ, ito cuto kiṃ labhate sukhaṃ so.
১১১.
111.
যো দিস্ৰা ভিক্খুং চরণূপপন্নং, পুরক্খত্ৰা পঞ্জলিকো নমস্সতি।
Yo disvā bhikkhuṃ caraṇūpapannaṃ, purakkhatvā pañjaliko namassati;
দিট্ঠেৰ ধম্মে লভতে পসংসং, সগ্গঞ্চ সো যাতি সরীরভেদা॥
Diṭṭheva dhamme labhate pasaṃsaṃ, saggañca so yāti sarīrabhedā.
১১২.
112.
লক্খী ৰত মে উদপাদি অজ্জ, যং ৰাসৰং ভূতপতিদ্দসাম।
Lakkhī vata me udapādi ajja, yaṃ vāsavaṃ bhūtapatiddasāma;
ভিক্খুঞ্চ দিস্ৰান তুৰঞ্চ সক্ক, কাহামি পুঞ্ঞানি অনপ্পকানি॥
Bhikkhuñca disvāna tuvañca sakka, kāhāmi puññāni anappakāni.
১১৩.
113.
অদ্ধা হৰে সেৰিতব্বা সপঞ্ঞা, বহুস্সুতা যে বহুঠানচিন্তিনো।
Addhā have sevitabbā sapaññā, bahussutā ye bahuṭhānacintino;
ভিক্খুঞ্চ দিস্ৰান মমঞ্চ রাজ, করোহি পুঞ্ঞানি অনপ্পকানি॥
Bhikkhuñca disvāna mamañca rāja, karohi puññāni anappakāni.
১১৪.
114.
অক্কোধনো নিচ্চপসন্নচিত্তো, সব্বাতিথীযাচযোগো ভৰিত্ৰা।
Akkodhano niccapasannacitto, sabbātithīyācayogo bhavitvā;
নিহচ্চ মানং অভিৰাদযিস্সং, সুত্ৰান দেৰিন্দ সুভাসিতানীতি॥
Nihacca mānaṃ abhivādayissaṃ, sutvāna devinda subhāsitānīti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৩৯১] ৬. ৰিজ্জাধরজাতকৰণ্ণনা • [391] 6. Vijjādharajātakavaṇṇanā
