| Library / Tipiṭaka / តិបិដក • Tipiṭaka / ថេរីគាថាបាឡិ • Therīgāthāpāḷi |
៨. វិជយាថេរីគាថា
8. Vijayātherīgāthā
១៦៩.
169.
‘‘ចតុក្ខត្តុំ បញ្ចក្ខត្តុំ, វិហារា ឧបនិក្ខមិំ;
‘‘Catukkhattuṃ pañcakkhattuṃ, vihārā upanikkhamiṃ;
អលទ្ធា ចេតសោ សន្តិំ, ចិត្តេ អវសវត្តិនី។
Aladdhā cetaso santiṃ, citte avasavattinī.
១៧០.
170.
‘‘ភិក្ខុនិំ ឧបសង្កម្ម, សក្កច្ចំ បរិបុច្ឆហំ;
‘‘Bhikkhuniṃ upasaṅkamma, sakkaccaṃ paripucchahaṃ;
សា មេ ធម្មមទេសេសិ, ធាតុអាយតនានិ ច។
Sā me dhammamadesesi, dhātuāyatanāni ca.
១៧១.
171.
‘‘ចត្តារិ អរិយសច្ចានិ, ឥន្ទ្រិយានិ ពលានិ ច;
‘‘Cattāri ariyasaccāni, indriyāni balāni ca;
ពោជ្ឈង្គដ្ឋង្គិកំ មគ្គំ, ឧត្តមត្ថស្ស បត្តិយា។
Bojjhaṅgaṭṭhaṅgikaṃ maggaṃ, uttamatthassa pattiyā.
១៧២.
172.
‘‘តស្សាហំ វចនំ សុត្វា, ករោន្តី អនុសាសនិំ;
‘‘Tassāhaṃ vacanaṃ sutvā, karontī anusāsaniṃ;
រត្តិយា បុរិមេ យាមេ, បុព្ពជាតិមនុស្សរិំ។
Rattiyā purime yāme, pubbajātimanussariṃ.
១៧៣.
173.
‘‘រត្តិយា មជ្ឈិមេ យាមេ, ទិព្ពចក្ខុំ វិសោធយិំ;
‘‘Rattiyā majjhime yāme, dibbacakkhuṃ visodhayiṃ;
រត្តិយា បច្ឆិមេ យាមេ, តមោខន្ធំ បទាលយិំ។
Rattiyā pacchime yāme, tamokhandhaṃ padālayiṃ.
១៧៤.
174.
‘‘បីតិសុខេន ច កាយំ, ផរិត្វា វិហរិំ តទា;
‘‘Pītisukhena ca kāyaṃ, pharitvā vihariṃ tadā;
សត្តមិយា បាទេ បសារេសិំ, តមោខន្ធំ បទាលិយា’’តិ។
Sattamiyā pāde pasāresiṃ, tamokhandhaṃ padāliyā’’ti.
… វិជយា ថេរី…។
… Vijayā therī….
ឆក្កនិបាតោ និដ្ឋិតោ។
Chakkanipāto niṭṭhito.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរីគាថា-អដ្ឋកថា • Therīgāthā-aṭṭhakathā / ៨. វិជយាថេរីគាថាវណ្ណនា • 8. Vijayātherīgāthāvaṇṇanā
