| Library / Tipiṭaka / តិបិដក • Tipiṭaka / ថេរីគាថាបាឡិ • Therīgāthāpāḷi |
៧. សត្តកនិបាតោ
7. Sattakanipāto
១. ឧត្តរាថេរីគាថា
1. Uttarātherīgāthā
១៧៥.
175.
‘‘‘មុសលានិ គហេត្វាន, ធញ្ញំ កោដ្ដេន្តិ មាណវា;
‘‘‘Musalāni gahetvāna, dhaññaṃ koṭṭenti māṇavā;
បុត្តទារានិ បោសេន្តា, ធនំ វិន្ទន្តិ មាណវា។
Puttadārāni posentā, dhanaṃ vindanti māṇavā.
១៧៦.
176.
‘‘‘ឃដេថ ពុទ្ធសាសនេ, យំ កត្វា នានុតប្បតិ;
‘‘‘Ghaṭetha buddhasāsane, yaṃ katvā nānutappati;
ខិប្បំ បាទានិ ធោវិត្វា, ឯកមន្តំ និសីទថ។
Khippaṃ pādāni dhovitvā, ekamantaṃ nisīdatha.
១៧៧.
177.
‘‘‘ចិត្តំ ឧបដ្ឋបេត្វាន, ឯកគ្គំ សុសមាហិតំ;
‘‘‘Cittaṃ upaṭṭhapetvāna, ekaggaṃ susamāhitaṃ;
បច្ចវេក្ខថ សង្ខារេ, បរតោ នោ ច អត្តតោ’។
Paccavekkhatha saṅkhāre, parato no ca attato’.
១៧៨.
178.
‘‘តស្សាហំ វចនំ សុត្វា, បដាចារានុសាសនិំ;
‘‘Tassāhaṃ vacanaṃ sutvā, paṭācārānusāsaniṃ;
បាទេ បក្ខាលយិត្វាន, ឯកមន្តេ ឧបាវិសិំ។
Pāde pakkhālayitvāna, ekamante upāvisiṃ.
១៧៩.
179.
‘‘រត្តិយា បុរិមេ យាមេ, បុព្ពជាតិមនុស្សរិំ;
‘‘Rattiyā purime yāme, pubbajātimanussariṃ;
រត្តិយា មជ្ឈិមេ យាមេ, ទិព្ពចក្ខុំ វិសោធយិំ។
Rattiyā majjhime yāme, dibbacakkhuṃ visodhayiṃ.
១៨០.
180.
‘‘រត្តិយា បច្ឆិមេ យាមេ, តមោក្ខន្ធំ បទាលយិំ;
‘‘Rattiyā pacchime yāme, tamokkhandhaṃ padālayiṃ;
តេវិជ្ជា អថ វុដ្ឋាសិំ, កតា តេ អនុសាសនី។
Tevijjā atha vuṭṭhāsiṃ, katā te anusāsanī.
១៨១.
181.
‘‘សក្កំវ ទេវា តិទសា, សង្គាមេ អបរាជិតំ;
‘‘Sakkaṃva devā tidasā, saṅgāme aparājitaṃ;
បុរក្ខត្វា វិហស្សាមិ, តេវិជ្ជាម្ហិ អនាសវា’’។
Purakkhatvā vihassāmi, tevijjāmhi anāsavā’’.
… ឧត្តរា ថេរី…។
… Uttarā therī….
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរីគាថា-អដ្ឋកថា • Therīgāthā-aṭṭhakathā / ១. ឧត្តរាថេរីគាថាវណ្ណនា • 1. Uttarātherīgāthāvaṇṇanā
