| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៤៥. វិភីតកវគ្គោ
45. Vibhītakavaggo
១. វិភីតកមិញ្ជិយត្ថេរអបទានំ
1. Vibhītakamiñjiyattheraapadānaṃ
១.
1.
‘‘កកុសន្ធោ មហាវីរោ, សព្ពធម្មាន បារគូ;
‘‘Kakusandho mahāvīro, sabbadhammāna pāragū;
គណម្ហា វូបកដ្ឋោ សោ, អគមាសិ វនន្តរំ។
Gaṇamhā vūpakaṭṭho so, agamāsi vanantaraṃ.
២.
2.
‘‘ពីជមិញ្ជំ គហេត្វាន, លតាយ អាវុណិំ អហំ;
‘‘Bījamiñjaṃ gahetvāna, latāya āvuṇiṃ ahaṃ;
ភគវា តម្ហិ សមយេ, ឈាយតេ បព្ពតន្តរេ។
Bhagavā tamhi samaye, jhāyate pabbatantare.
៣.
3.
‘‘ទិស្វានហំ ទេវទេវំ, វិប្បសន្នេន ចេតសា;
‘‘Disvānahaṃ devadevaṃ, vippasannena cetasā;
ទក្ខិណេយ្យស្ស វីរស្ស, ពីជមិញ្ជមទាសហំ។
Dakkhiṇeyyassa vīrassa, bījamiñjamadāsahaṃ.
៤.
4.
ទុគ្គតិំ នាភិជានាមិ, ពីជមិញ្ជស្សិទំ ផលំ។
Duggatiṃ nābhijānāmi, bījamiñjassidaṃ phalaṃ.
៥.
5.
‘‘កិលេសា ឈាបិតា មយ្ហំ, ភវា សព្ពេ សមូហតា;
‘‘Kilesā jhāpitā mayhaṃ, bhavā sabbe samūhatā;
នាគោវ ពន្ធនំ ឆេត្វា, វិហរាមិ អនាសវោ។
Nāgova bandhanaṃ chetvā, viharāmi anāsavo.
៦.
6.
‘‘ស្វាគតំ វត មេ អាសិ, មម ពុទ្ធស្ស សន្តិកេ;
‘‘Svāgataṃ vata me āsi, mama buddhassa santike;
តិស្សោ វិជ្ជា អនុប្បត្តា, កតំ ពុទ្ធស្ស សាសនំ។
Tisso vijjā anuppattā, kataṃ buddhassa sāsanaṃ.
៧.
7.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
គាថាយោ អភាសិត្ថាតិ។
Gāthāyo abhāsitthāti.
វិភីតកមិញ្ជិយត្ថេរស្សាបទានំ បឋមំ។
Vibhītakamiñjiyattherassāpadānaṃ paṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-៦០. សកិំសម្មជ្ជកត្ថេរអបទានាទិវណ្ណនា • 1-60. Sakiṃsammajjakattheraapadānādivaṇṇanā
