| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
៤. ចតុត្ថបារាជិកំ
4. Catutthapārājikaṃ
វគ្គុមុទាតីរិយភិក្ខុវត្ថុវណ្ណនា
Vaggumudātīriyabhikkhuvatthuvaṇṇanā
១៩៣. ចតុត្ថេ វគ្គុ ច សា មោទយតិ ច សត្តេតិ វគ្គុមុទា។ ‘‘វគ្គុមទា’’តិបិ បាឋោ, តស្ស វគ្គុ ច សា បសន្នសុទ្ធតរង្គសមិទ្ធត្តា សុខុមា ចាតិ អត្ថោ ជីវិតវគ្គុត្ថនិតា ជីវិតត្ថន្តិ នីលុប្បលន្តិអាទីសុ វិយ។ មទស្សាតិ ច ពហុខជ្ជភោជ្ជបានាទិសមិទ្ធា នទី ឆណទិវសេសូតិ និរុត្តិ វេទិតព្ពា។ វគ្គុ បរិសុទ្ធាតិ លោកេន សម្មតាតិ កិរ អត្ថោ។ ភាសិតោ ភវិស្សតីតិ បាឋសេសោ។
193. Catutthe vaggu ca sā modayati ca satteti vaggumudā. ‘‘Vaggumadā’’tipi pāṭho, tassa vaggu ca sā pasannasuddhataraṅgasamiddhattā sukhumā cāti attho jīvitavaggutthanitā jīvitatthanti nīluppalantiādīsu viya. Madassāti ca bahukhajjabhojjapānādisamiddhā nadī chaṇadivasesūti nirutti veditabbā. Vaggu parisuddhāti lokena sammatāti kira attho. Bhāsito bhavissatīti pāṭhaseso.
១៩៤-៥. វណ្ណវា វណ្ណវន្តោ វណ្ណវន្តានីតិបិ សិជ្ឈតិ កិរ ពហុវចនេន។ យស្មា ឥន្ទ្រិយានំ ឩនត្តំ, បូរត្តំ វា នត្ថិ, តស្មា ‘‘អភិនិវិដ្ឋោកាសស្ស បរិបុណ្ណត្តា’’តិ វុត្តំ។ ឆដ្ឋស្ស អភិនិវិដ្ឋោកាសោ ហទយវត្ថុ។ ចតុឥរិយាបថចក្កេ បាកតិន្ទ្រិយេ។ អត្តនោ ទហតីតិ អត្តនា ទហតិ, អត្តនា បដិវិទ្ធំ កត្វា បវេទេតីតិ អធិប្បាយោ។ សន្តន្តិ វត្តមានំ។ គោត្រភុនោតិ គោត្តមត្តំ អនុភវត្តា នាមមត្តកមេវាតិ អត្ថោ។
194-5. Vaṇṇavā vaṇṇavanto vaṇṇavantānītipi sijjhati kira bahuvacanena. Yasmā indriyānaṃ ūnattaṃ, pūrattaṃ vā natthi, tasmā ‘‘abhiniviṭṭhokāsassa paripuṇṇattā’’ti vuttaṃ. Chaṭṭhassa abhiniviṭṭhokāso hadayavatthu. Catuiriyāpathacakke pākatindriye. Attano dahatīti attanā dahati, attanā paṭividdhaṃ katvā pavedetīti adhippāyo. Santanti vattamānaṃ. Gotrabhunoti gottamattaṃ anubhavattā nāmamattakamevāti attho.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៤. ចតុត្ថបារាជិកំ • 4. Catutthapārājikaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៤. ចតុត្ថបារាជិកំ • 4. Catutthapārājikaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / វគ្គុមុទាតីរិយភិក្ខុវត្ថុវណ្ណនា • Vaggumudātīriyabhikkhuvatthuvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / វគ្គុមុទាតីរិយភិក្ខុវត្ថុវណ្ណនា • Vaggumudātīriyabhikkhuvatthuvaṇṇanā
