| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
១០. ឧយ្យោធិកសិក្ខាបទំ
10. Uyyodhikasikkhāpadaṃ
៣២២. ទសមេ យុជ្ឈន្តីតិ សំបហរន្តិ។ ‘‘ពលស្ស អគ្គំ ឯត្ថា’’តិឥមិនា ភិន្នាធិករណពាហិរត្ថសមាសំ ទស្សេតិ។ ‘‘ជានន្តី’’តិបទំ អត្ថសម្បុណ្ណត្ថាយ បក្ខិត្តំ។ អគ្គន្តិ កោដ្ឋាសំ។ ពលំ គណីយតិ ឯត្ថាតិ ពលគ្គន្តិ វចនត្ថោបិ យុជ្ជតិ។ តេនាហ ‘‘ពលគណនដ្ឋាន’’ន្តិ។ ឥទញ្ហិ វចនំ អម្ពសេចនគរុសិននយេន វុត្តំ។ កថំ? ‘‘ពលគណនដ្ឋាន’’ន្តិ វទន្តេន អដ្ឋកថាចរិយេន ‘‘ពលស្ស អគ្គំ ជានន្តិ ឯត្ថាតិ ពលគ្គ’’ន្តិ វចនត្ថស្ស បិណ្ឌត្ថោ ច ញាបីយតិ, ‘‘ពលំ គណីយតិ ឯត្ថាតិ ពលគ្គ’’ន្តិ វចនត្ថោ ច ទស្សីយតិ។ វិយូហីយតេ សម្បិណ្ឌីយតេ ព្យូហោ, សេនាយ ព្យូហោ សេនាព្យូហោតិ អត្ថំ ទស្សេតិ ‘‘សេនាយ វិយូហ’’ន្តិអាទិនា។ អណតិ ភេរវសទ្ទំ ករោតីតិ អណីកំ, មុទ្ធជណការោ, ហត្ថីយេវ អណីកំ ហត្ថាណីកំ។ ឯសេវ នយោ សេសេសុបិ។ យោ ហត្ថី បុព្ពេ វុត្តោ, តេន ហត្ថិនាតិ យោជនាតិ។ ទសមំ។
322. Dasame yujjhantīti saṃpaharanti. ‘‘Balassa aggaṃ etthā’’tiiminā bhinnādhikaraṇabāhiratthasamāsaṃ dasseti. ‘‘Jānantī’’tipadaṃ atthasampuṇṇatthāya pakkhittaṃ. Agganti koṭṭhāsaṃ. Balaṃ gaṇīyati etthāti balagganti vacanatthopi yujjati. Tenāha ‘‘balagaṇanaṭṭhāna’’nti. Idañhi vacanaṃ ambasecanagarusinanayena vuttaṃ. Kathaṃ? ‘‘Balagaṇanaṭṭhāna’’nti vadantena aṭṭhakathācariyena ‘‘balassa aggaṃ jānanti etthāti balagga’’nti vacanatthassa piṇḍattho ca ñāpīyati, ‘‘balaṃ gaṇīyati etthāti balagga’’nti vacanattho ca dassīyati. Viyūhīyate sampiṇḍīyate byūho, senāya byūho senābyūhoti atthaṃ dasseti ‘‘senāya viyūha’’ntiādinā. Aṇati bheravasaddaṃ karotīti aṇīkaṃ, muddhajaṇakāro, hatthīyeva aṇīkaṃ hatthāṇīkaṃ. Eseva nayo sesesupi. Yo hatthī pubbe vutto, tena hatthināti yojanāti. Dasamaṃ.
អចេលកវគ្គោ បញ្ចមោ។
Acelakavaggo pañcamo.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៥. អចេលកវគ្គោ • 5. Acelakavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ១០. ឧយ្យោធិកសិក្ខាបទវណ្ណនា • 10. Uyyodhikasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ១០. ឧយ្យោធិកសិក្ខាបទវណ្ណនា • 10. Uyyodhikasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១០. ឧយ្យោធិកសិក្ខាបទវណ្ណនា • 10. Uyyodhikasikkhāpadavaṇṇanā
