| Library / Tipiṭaka / តិបិដក • Tipiṭaka / ថេរីគាថាបាឡិ • Therīgāthāpāḷi |
២. ឧត្តមាថេរីគាថា
2. Uttamātherīgāthā
៤២.
42.
‘‘ចតុក្ខត្តុំ បញ្ចក្ខត្តុំ, វិហារា ឧបនិក្ខមិំ;
‘‘Catukkhattuṃ pañcakkhattuṃ, vihārā upanikkhamiṃ;
អលទ្ធា ចេតសោ សន្តិំ, ចិត្តេ អវសវត្តិនី។
Aladdhā cetaso santiṃ, citte avasavattinī.
៤៣.
43.
‘‘សា ភិក្ខុនិំ ឧបគច្ឆិំ, យា មេ សទ្ធាយិកា អហុ;
‘‘Sā bhikkhuniṃ upagacchiṃ, yā me saddhāyikā ahu;
សា មេ ធម្មមទេសេសិ, ខន្ធាយតនធាតុយោ។
Sā me dhammamadesesi, khandhāyatanadhātuyo.
៤៤.
44.
‘‘តស្សា ធម្មំ សុណិត្វាន, យថា មំ អនុសាសិ សា;
‘‘Tassā dhammaṃ suṇitvāna, yathā maṃ anusāsi sā;
សត្តាហំ ឯកបល្លង្កេន, និសីទិំ បីតិសុខសមប្បិតា 1;
Sattāhaṃ ekapallaṅkena, nisīdiṃ pītisukhasamappitā 2;
អដ្ឋមិយា បាទេ បសារេសិំ, តមោខន្ធំ បទាលិយា’’តិ។
Aṭṭhamiyā pāde pasāresiṃ, tamokhandhaṃ padāliyā’’ti.
… ឧត្តមា ថេរី…។
… Uttamā therī….
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរីគាថា-អដ្ឋកថា • Therīgāthā-aṭṭhakathā / ២. ឧត្តមាថេរីគាថាវណ្ណនា • 2. Uttamātherīgāthāvaṇṇanā
