| Library / Tipiṭaka / តិបិដក • Tipiṭaka / ថេរីគាថាបាឡិ • Therīgāthāpāḷi |
៣. អបរាឧត្តមាថេរីគាថា
3. Aparāuttamātherīgāthā
៤៥.
45.
‘‘យេ ឥមេ សត្ត ពោជ្ឈង្គា, មគ្គា និព្ពានបត្តិយា;
‘‘Ye ime satta bojjhaṅgā, maggā nibbānapattiyā;
ភាវិតា តេ មយា សព្ពេ, យថា ពុទ្ធេន ទេសិតា។
Bhāvitā te mayā sabbe, yathā buddhena desitā.
៤៦.
46.
‘‘សុញ្ញតស្សានិមិត្តស្ស, លាភិនីហំ យទិច្ឆកំ;
‘‘Suññatassānimittassa, lābhinīhaṃ yadicchakaṃ;
ឱរសា ធីតា ពុទ្ធស្ស, និព្ពានាភិរតា សទា។
Orasā dhītā buddhassa, nibbānābhiratā sadā.
៤៧.
47.
‘‘សព្ពេ កាមា សមុច្ឆិន្នា, យេ ទិព្ពា យេ ច មានុសា;
‘‘Sabbe kāmā samucchinnā, ye dibbā ye ca mānusā;
វិក្ខីណោ ជាតិសំសារោ, នត្ថិ ទានិ បុនព្ភវោ’’តិ។
Vikkhīṇo jātisaṃsāro, natthi dāni punabbhavo’’ti.
… អបរា ឧត្តមា ថេរី…។
… Aparā uttamā therī….
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរីគាថា-អដ្ឋកថា • Therīgāthā-aṭṭhakathā / ៣. អបរា ឧត្តមាថេរីគាថាវណ្ណនា • 3. Aparā uttamātherīgāthāvaṇṇanā
