| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១០. ឧទ្ទាលកទាយកត្ថេរអបទានំ
10. Uddālakadāyakattheraapadānaṃ
៣៤.
34.
‘‘កកុធោ នាម នាមេន, សយម្ភូ អបរាជិតោ;
‘‘Kakudho nāma nāmena, sayambhū aparājito;
បវនា និក្ខមិត្វាន, អនុប្បត្តោ មហានទិំ។
Pavanā nikkhamitvāna, anuppatto mahānadiṃ.
៣៥.
35.
‘‘ឧទ្ទាលកំ គហេត្វាន, សយម្ភុស្ស អទាសហំ;
‘‘Uddālakaṃ gahetvāna, sayambhussa adāsahaṃ;
សំយតស្សុជុភូតស្ស, បសន្នមានសោ អហំ។
Saṃyatassujubhūtassa, pasannamānaso ahaṃ.
៣៦.
36.
‘‘ឯកត្តិំសេ ឥតោ កប្បេ, យំ បុប្ផមភិបូជយិំ;
‘‘Ekattiṃse ito kappe, yaṃ pupphamabhipūjayiṃ;
ទុគ្គតិំ នាភិជានាមិ, បុប្ផទានស្សិទំ ផលំ។
Duggatiṃ nābhijānāmi, pupphadānassidaṃ phalaṃ.
៣៧.
37.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ឧទ្ទាលកទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā uddālakadāyako thero imā gāthāyo abhāsitthāti.
ឧទ្ទាលកទាយកត្ថេរស្សាបទានំ ទសមំ។
Uddālakadāyakattherassāpadānaṃ dasamaṃ.
តុវរទាយកវគ្គោ បញ្ចវីសតិមោ។
Tuvaradāyakavaggo pañcavīsatimo.
តស្សុទ្ទានំ –
Tassuddānaṃ –
តុវរនាគនឡិនា, វិរវី កុដិធូបកោ;
Tuvaranāganaḷinā, viravī kuṭidhūpako;
បត្តោ ធាតុសត្តលិយោ, ពិម្ពិ ឧទ្ទាលកេន ច;
Patto dhātusattaliyo, bimbi uddālakena ca;
សត្តតិំសតិ គាថាយោ, គណិតាយោ វិភាវិភិ។
Sattatiṃsati gāthāyo, gaṇitāyo vibhāvibhi.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. តុវរទាយកត្ថេរអបទានាទិវណ្ណនា • 1-10. Tuvaradāyakattheraapadānādivaṇṇanā
