| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਉਦਯਸੁਤ੍ਤવਣ੍ਣਨਾ
2. Udayasuttavaṇṇanā
੧੯੮. ਦੁਤਿਯੇ ਓਦਨੇਨ ਪੂਰੇਸੀਤਿ ਅਤ੍ਤਨੋ ਅਤ੍ਥਾਯ ਸਮ੍ਪਾਦਿਤੇਨ ਸੂਪਬ੍ਯਞ੍ਜਨੇਨ ਓਦਨੇਨ ਪੂਰੇਤ੍વਾ ਅਦਾਸਿ। ਭਗવਾ ਕਿਰ ਪਚ੍ਚੂਸਸਮਯੇ ਲੋਕਂ ਓਲੋਕੇਨ੍ਤੋવ ਤਂ ਬ੍ਰਾਹ੍ਮਣਂ ਦਿਸ੍વਾ, ਪਾਤੋવ ਸਰੀਰਪਟਿਜਗ੍ਗਨਂ ਕਤ੍વਾ, ਗਨ੍ਧਕੁਟਿਂ ਪવਿਸਿਤ੍વਾ, ਦ੍વਾਰਂ ਪਿਧਾਯ, ਨਿਸਿਨ੍ਨੋ ਤਸ੍ਸ ਭੋਜਨਂ ਉਪਸਂਹਰਿਯਮਾਨਂ ਦਿਸ੍વਾ, ਏਕਕੋવ ਪਤ੍ਤਂ ਅਂਸਕੂਟੇ ਲਗ੍ਗੇਤ੍વਾ, ਗਨ੍ਧਕੁਟਿਤੋ ਨਿਕ੍ਖਮ੍ਮ, ਨਗਰਦ੍વਾਰੇ ਪਤ੍ਤਂ ਨੀਹਰਿਤ੍વਾ, ਅਨ੍ਤੋਨਗਰਂ ਪવਿਸਿਤ੍વਾ, ਪਟਿਪਾਟਿਯਾ ਗਚ੍ਛਨ੍ਤੋ ਬ੍ਰਾਹ੍ਮਣਸ੍ਸ ਦ੍વਾਰਕੋਟ੍ਠਕੇ ਅਟ੍ਠਾਸਿ। ਬ੍ਰਾਹ੍ਮਣੋ ਭਗવਨ੍ਤਂ ਦਿਸ੍વਾ, ਅਤ੍ਤਨੋ ਸਜ੍ਜਿਤਂ ਭੋਜਨਂ ਅਦਾਸਿ। ਤਂ ਸਨ੍ਧਾਯੇਤਂ વੁਤ੍ਤਂ। ਦੁਤਿਯਮ੍ਪੀਤਿ ਦੁਤਿਯਦਿવਸੇਪਿ। ਤਤਿਯਮ੍ਪੀਤਿ ਤਤਿਯਦਿવਸੇਪਿ। ਤਾਨਿ ਕਿਰ ਤੀਣਿ ਦਿવਸਾਨਿ ਨਿਰਨ੍ਤਰਂ ਬ੍ਰਾਹ੍ਮਣਸ੍ਸ ਘਰਦ੍વਾਰਂ ਗਚ੍ਛਨ੍ਤਸ੍ਸ ਭਗવਤੋ ਅਨ੍ਤਰਾ ਅਞ੍ਞੋ ਕੋਚਿ ਉਟ੍ਠਾਯ ਪਤ੍ਤਂ ਗਹੇਤੁਂ ਸਮਤ੍ਥੋ ਨਾਮ ਨਾਹੋਸਿ, ਮਹਾਜਨੋ ਓਲੋਕੇਨ੍ਤੋવ ਅਟ੍ਠਾਸਿ।
198. Dutiye odanena pūresīti attano atthāya sampāditena sūpabyañjanena odanena pūretvā adāsi. Bhagavā kira paccūsasamaye lokaṃ olokentova taṃ brāhmaṇaṃ disvā, pātova sarīrapaṭijagganaṃ katvā, gandhakuṭiṃ pavisitvā, dvāraṃ pidhāya, nisinno tassa bhojanaṃ upasaṃhariyamānaṃ disvā, ekakova pattaṃ aṃsakūṭe laggetvā, gandhakuṭito nikkhamma, nagaradvāre pattaṃ nīharitvā, antonagaraṃ pavisitvā, paṭipāṭiyā gacchanto brāhmaṇassa dvārakoṭṭhake aṭṭhāsi. Brāhmaṇo bhagavantaṃ disvā, attano sajjitaṃ bhojanaṃ adāsi. Taṃ sandhāyetaṃ vuttaṃ. Dutiyampīti dutiyadivasepi. Tatiyampīti tatiyadivasepi. Tāni kira tīṇi divasāni nirantaraṃ brāhmaṇassa gharadvāraṃ gacchantassa bhagavato antarā añño koci uṭṭhāya pattaṃ gahetuṃ samattho nāma nāhosi, mahājano olokentova aṭṭhāsi.
ਏਤਦવੋਚਾਤਿ ਬ੍ਰਾਹ੍ਮਣੋ ਤੀਣਿ ਦਿવਸਾਨਿ ਪਤ੍ਤਂ ਪੂਰੇਤ੍વਾ ਦੇਨ੍ਤੋਪਿ ਨ ਸਦ੍ਧਾਯ ਅਦਾਸਿ, ‘‘ਘਰਦ੍વਾਰਂ ਆਗਨ੍ਤ੍વਾ ਠਿਤਸ੍ਸ ਪਬ੍ਬਜਿਤਸ੍ਸ ਭਿਕ੍ਖਾਮਤ੍ਤਮ੍ਪਿ ਅਦਤ੍વਾ ਭੁਞ੍ਜਤੀ’’ਤਿ ਉਪਾਰਮ੍ਭਭਯੇਨ ਅਦਾਸਿ। ਦਦਨ੍ਤੋ ਚ ਦ੍વੇ ਦਿવਸਾਨਿ ਦਤ੍વਾ ਕਿਞ੍ਚਿ ਅવਤ੍વਾવ ਨਿવਤ੍ਤੋ। ਭਗવਾਪਿ ਕਿਞ੍ਚਿ ਅવਤ੍વਾવ ਪਕ੍ਕਨ੍ਤੋ। ਤਤਿਯਦਿવਸੇ ਪਨ ਅਧਿવਾਸੇਤੁਂ ਅਸਕ੍ਕੋਨ੍ਤੋ ਏਤਂ ‘‘ਪਕਟ੍ਠਕੋ’’ਤਿਆਦਿવਚਨਂ ਅવੋਚ। ਭਗવਾਪਿ ਏਤਂ વਚਨਂ ਨਿਚ੍ਛਾਰਾਪਨਤ੍ਥਮੇવ ਯਾવ ਤਤਿਯਮਗਮਾਸਿ। ਤਤ੍ਥ ਪਕਟ੍ਠਕੋਤਿ ਰਸਗਿਦ੍ਧੋ।
Etadavocāti brāhmaṇo tīṇi divasāni pattaṃ pūretvā dentopi na saddhāya adāsi, ‘‘gharadvāraṃ āgantvā ṭhitassa pabbajitassa bhikkhāmattampi adatvā bhuñjatī’’ti upārambhabhayena adāsi. Dadanto ca dve divasāni datvā kiñci avatvāva nivatto. Bhagavāpi kiñci avatvāva pakkanto. Tatiyadivase pana adhivāsetuṃ asakkonto etaṃ ‘‘pakaṭṭhako’’tiādivacanaṃ avoca. Bhagavāpi etaṃ vacanaṃ nicchārāpanatthameva yāva tatiyamagamāsi. Tattha pakaṭṭhakoti rasagiddho.
ਪੁਨਪ੍ਪੁਨਂ ਚੇવ વਪਨ੍ਤਿ ਬੀਜਨ੍ਤਿ ਸਤ੍ਥਾ ਬ੍ਰਾਹ੍ਮਣਸ੍ਸ વਚਨਂ ਸੁਤ੍વਾ, ‘‘ਬ੍ਰਾਹ੍ਮਣ, ਤ੍વਂ ਤੀਣਿ ਦਿવਸਾਨਿ ਪਿਣ੍ਡਪਾਤਂ ਦਤ੍વਾ ਓਸਕ੍ਕਸਿ, ਪੁਨਪ੍ਪੁਨਂ ਕਾਤਬ੍ਬਾ ਨਾਮ ਲੋਕਸ੍ਮਿਂ ਸੋਲ਼ਸ ਧਮ੍ਮਾ’’ਤਿ વਤ੍વਾ ਤੇ ਧਮ੍ਮੇ ਦਸ੍ਸੇਤੁਂ ਇਮਂ ਦੇਸਨਂ ਆਰਭਿ। ਤਤ੍ਥ ਪੁਨਪ੍ਪੁਨਂ ਚੇવ વਪਨ੍ਤੀਤਿ ਏਕਸ੍ਮਿਂ ਸਸ੍ਸવਾਰੇ વੁਤ੍ਤਂ ‘‘ਅਲਮੇਤ੍ਤਾવਤਾ’’ਤਿ ਅਨੋਸਕ੍ਕਿਤ੍વਾ ਅਪਰਾਪਰੇਸੁਪਿ ਸਸ੍ਸવਾਰੇਸੁ ਚ વਪਨ੍ਤਿਯੇવ। ਪੁਨਪ੍ਪੁਨਂ વਸ੍ਸਤੀਤਿ ਨ ਏਕਦਿવਸਂ વਸ੍ਸਿਤ੍વਾ ਤਿਟ੍ਠਤਿ, ਪੁਨਪ੍ਪੁਨਦਿવਸੇਸੁਪਿ ਪੁਨਪ੍ਪੁਨਸਂવਚ੍ਛਰੇਸੁਪਿ વਸ੍ਸਤਿਯੇવ, ਏવਂ ਜਨਪਦਾ ਇਦ੍ਧਾ ਹੋਨ੍ਤਿ। ਏਤੇਨੁਪਾਯੇਨ ਸਬ੍ਬਤ੍ਥ ਨਯੋ વੇਦਿਤਬ੍ਬੋ।
Punappunaṃ ceva vapanti bījanti satthā brāhmaṇassa vacanaṃ sutvā, ‘‘brāhmaṇa, tvaṃ tīṇi divasāni piṇḍapātaṃ datvā osakkasi, punappunaṃ kātabbā nāma lokasmiṃ soḷasa dhammā’’ti vatvā te dhamme dassetuṃ imaṃ desanaṃ ārabhi. Tattha punappunaṃ ceva vapantīti ekasmiṃ sassavāre vuttaṃ ‘‘alamettāvatā’’ti anosakkitvā aparāparesupi sassavāresu ca vapantiyeva. Punappunaṃ vassatīti na ekadivasaṃ vassitvā tiṭṭhati, punappunadivasesupi punappunasaṃvaccharesupi vassatiyeva, evaṃ janapadā iddhā honti. Etenupāyena sabbattha nayo veditabbo.
ਯਾਚਕਾਤਿ ਇਮਸ੍ਮਿਂ ਪਦੇ ਸਤ੍ਥਾ ਦੇਸਨਾਕੁਸਲਤਾਯ ਅਤ੍ਤਾਨਮ੍ਪਿ ਪਕ੍ਖਿਪਿਤ੍વਾ ਦਸ੍ਸੇਤਿ। ਖੀਰਨਿਕਾਤਿ ਖੀਰਕਾਰਕਾ ਗੋਦੋਹਕਾ। ਨ ਹਿ ਤੇ ਏਕવਾਰਮੇવ ਥਨਂ ਅਞ੍ਛਨ੍ਤਿ, ਪੁਨਪ੍ਪੁਨਂ ਅਞ੍ਛਨ੍ਤਾ ਧੇਨੁਂ ਦੁਹਨ੍ਤੀਤਿ ਅਤ੍ਥੋ। ਕਿਲਮਤਿ ਫਨ੍ਦਤਿ ਚਾਤਿ ਅਯਂ ਸਤ੍ਤੋ ਤੇਨ ਇਰਿਯਾਪਥੇਨ ਕਿਲਮਤਿ ਚੇવ ਫਨ੍ਦਤਿ ਚ। ਗਬ੍ਭਨ੍ਤਿ ਸੋਣਸਿਙ੍ਗਾਲਾਦੀਨਮ੍ਪਿ ਤਿਰਚ੍ਛਾਨਗਤਾਨਂ ਕੁਚ੍ਛਿਂ। ਸਿવਥਿਕਨ੍ਤਿ ਸੁਸਾਨਂ, ਮਤਂ ਮਤਂ ਸਤ੍ਤਂ ਤਤ੍ਥ ਪੁਨਪ੍ਪੁਨਂ ਹਰਨ੍ਤੀਤਿ ਅਤ੍ਥੋ। ਮਗ੍ਗਞ੍ਚ ਲਦ੍ਧਾ ਅਪੁਨਬ੍ਭવਾਯਾਤਿ ਅਪੁਨਬ੍ਭવਾਯ ਮਗ੍ਗੋ ਨਾਮ ਨਿਬ੍ਬਾਨਂ, ਤਂ ਲਭਿਤ੍વਾਤਿ ਅਤ੍ਥੋ।
Yācakāti imasmiṃ pade satthā desanākusalatāya attānampi pakkhipitvā dasseti. Khīranikāti khīrakārakā godohakā. Na hi te ekavārameva thanaṃ añchanti, punappunaṃ añchantā dhenuṃ duhantīti attho. Kilamati phandati cāti ayaṃ satto tena iriyāpathena kilamati ceva phandati ca. Gabbhanti soṇasiṅgālādīnampi tiracchānagatānaṃ kucchiṃ. Sivathikanti susānaṃ, mataṃ mataṃ sattaṃ tattha punappunaṃ harantīti attho. Maggañca laddhā apunabbhavāyāti apunabbhavāya maggo nāma nibbānaṃ, taṃ labhitvāti attho.
ਏવਂ વੁਤ੍ਤੇਤਿ ਏવਂ ਭਗવਤਾ ਅਨ੍ਤਰવੀਥਿਯਂ ਠਤ੍વਾવ ਸੋਲ਼ਸ ਪੁਨਪ੍ਪੁਨਧਮ੍ਮੇ ਦੇਸੇਨ੍ਤੇਨ વੁਤ੍ਤੇ। ਏਤਦવੋਚਾਤਿ ਦੇਸਨਾਪਰਿਯੋਸਾਨੇ ਪਸਨ੍ਨੋ ਸਦ੍ਧਿਂ ਪੁਤ੍ਤਦਾਰਮਿਤ੍ਤਞਾਤਿવਗ੍ਗੇਨ ਭਗવਤੋ ਪਾਦੇ વਨ੍ਦਿਤ੍વਾ ਏਤਂ ‘‘ਅਭਿਕ੍ਕਨ੍ਤਂ ਭੋ’’ਤਿਆਦਿવਚਨਂ ਅવੋਚ। ਦੁਤਿਯਂ।
Evaṃ vutteti evaṃ bhagavatā antaravīthiyaṃ ṭhatvāva soḷasa punappunadhamme desentena vutte. Etadavocāti desanāpariyosāne pasanno saddhiṃ puttadāramittañātivaggena bhagavato pāde vanditvā etaṃ ‘‘abhikkantaṃ bho’’tiādivacanaṃ avoca. Dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਉਦਯਸੁਤ੍ਤਂ • 2. Udayasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਉਦਯਸੁਤ੍ਤવਣ੍ਣਨਾ • 2. Udayasuttavaṇṇanā
