| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਉਦਯਸੁਤ੍ਤવਣ੍ਣਨਾ
2. Udayasuttavaṇṇanā
੧੯੮. ਏਤਂ વੁਤ੍ਤਨ੍ਤਿ ‘‘ਓਦਨੇਨ ਪੂਰੇਸੀ’’ਤਿ ਏਤਂ વਚਨਂ વੁਤ੍ਤਂ। ‘‘ਗਹੇਤੁਂ ਸਮਤ੍ਥੋ ਨਾਮ ਨਾਹੋਸੀਤਿ ਭਗવਤੋ ਅਧਿਟ੍ਠਾਨਬਲੇਨਾ’’ਤਿ વਦਨ੍ਤਿ। ਤਂ ਬ੍ਰਾਹ੍ਮਣਂ વਿਨੇਤੁਕਾਮਤਾਯ ਕਿਰ ਭਗવਾ ਤਥਾ ਅਕਾਸਿ।
198.Etaṃ vuttanti ‘‘odanena pūresī’’ti etaṃ vacanaṃ vuttaṃ. ‘‘Gahetuṃ samattho nāma nāhosīti bhagavato adhiṭṭhānabalenā’’ti vadanti. Taṃ brāhmaṇaṃ vinetukāmatāya kira bhagavā tathā akāsi.
ਉਪਾਰਮ੍ਭਭਯੇਨਾਤਿ ਪਰੂਪવਾਦਭਯੇਨ। ਅવਤ੍વਾવ ਨਿવਤ੍ਤੋ ‘‘ਅਬ੍ਭਾਗਤੋਪਿ ਪਾਸਣ੍ਡੋ વਾਚਾਮਤ੍ਤੇਨਪਿ ਨ ਪੂਜੇਤਬ੍ਬੋ’’ਤਿ ਬ੍ਰਾਹ੍ਮਣਧਮ੍ਮੇ વੁਤ੍ਤਤ੍ਤਾ। ਪਕ੍ਕਨ੍ਤੋਤਿ ਬ੍ਰਾਹ੍ਮਣਸ੍ਸ ਧਮ੍ਮਂ ਅવਤ੍વਾ ਪਕ੍ਕਨ੍ਤੋ ਬ੍ਰਾਹ੍ਮਣਸ੍ਸ ਨ ਤਾવ ਞਾਣਂ ਪਰਿਪਕ੍ਕਨ੍ਤਿ। ਏਤਂ વਚਨਂ…ਪੇ॰… ਮਗਮਾਸਿ ‘‘ਪੁਨਪ੍ਪੁਨਞ੍ਚੇવ વਪਨ੍ਤਿ ਬੀਜ’’ਨ੍ਤਿਆਦਿਨਾ ਧਮ੍ਮਂ ਕਥੇਤੁਂ ਅવਸ੍ਸਂ ਆਕਙ੍ਖਨ੍ਤੋ। ਪਕਾਰਤੋ ਕਸ੍ਸਤੀਤਿ ਪਕਟ੍ਠਕੋ, ਰਸਤਣ੍ਹਾਯ ਪਕਟ੍ਠੋਤਿ ਅਤ੍ਥੋ। ਤੇਨਾਹ ‘‘ਰਸਗਿਦ੍ਧੋ’’ਤਿ।
Upārambhabhayenāti parūpavādabhayena. Avatvāva nivatto ‘‘abbhāgatopi pāsaṇḍo vācāmattenapi na pūjetabbo’’ti brāhmaṇadhamme vuttattā. Pakkantoti brāhmaṇassa dhammaṃ avatvā pakkanto brāhmaṇassa na tāva ñāṇaṃ paripakkanti. Etaṃ vacanaṃ…pe… magamāsi ‘‘punappunañceva vapanti bīja’’ntiādinā dhammaṃ kathetuṃ avassaṃ ākaṅkhanto. Pakārato kassatīti pakaṭṭhako, rasataṇhāya pakaṭṭhoti attho. Tenāha ‘‘rasagiddho’’ti.
‘‘ਪੁਨਪ੍ਪੁਨਞ੍ਚੇવ વਪਨ੍ਤਿ ਬੀਜ’’ਨ੍ਤਿ ਇਮਂ ਦੇਸਨਂ ਆਰਭੀਤਿ ਸਮ੍ਬਨ੍ਧੋ। ਬੀਜਨ੍ਤਿ ਚ ਇਤਿ-ਸਦ੍ਦੋ ਨਿਦਸ੍ਸਨਤ੍ਥੋ વਾ। ਤੇਨ ਅવਯવੇਨ ਸਮੁਦਾਯਂ ਨਿਦਸ੍ਸੇਤਿ। ਓਸਕ੍ਕਸੀਤਿ ਸਙ੍ਕੋਚਸਿ। વੁਤ੍ਤਨ੍ਤਿ વਪਨਂ ਕਤਂ। ਤਸ੍ਮਾ વੁਤ੍ਤਂ ‘‘ਅਲਮੇਤ੍ਤਾવਤਾ’’ਤਿ। ‘‘વਸ੍ਸਿਤ੍વਾ’’ਤਿ વੁਟ੍ਠਿਂ ਪવਤ੍ਤੇਤ੍વਾ।
‘‘Punappunañceva vapanti bīja’’nti imaṃ desanaṃ ārabhīti sambandho. Bījanti ca iti-saddo nidassanattho vā. Tena avayavena samudāyaṃ nidasseti. Osakkasīti saṅkocasi. Vuttanti vapanaṃ kataṃ. Tasmā vuttaṃ ‘‘alamettāvatā’’ti. ‘‘Vassitvā’’ti vuṭṭhiṃ pavattetvā.
ਦੇਸਨਾ…ਪੇ॰… ਦਸ੍ਸੇਤਿ ਬ੍ਰਾਹ੍ਮਣੇਨ વੁਤ੍ਤਂ ਅਯੁਤ੍ਤવਚਨਂ ਪਰਿવਟ੍ਟੇਨ੍ਤੋਪਿ ਦਿવਸੇ ਦਿવਸੇ ਭਿਕ੍ਖਾਚਰਿਯਾ ਨਾਮ ਭਿਕ੍ਖੂਨਂ ਕਾਯਗਤਾ વੁਤ੍ਤੀਤਿ। ਖੀਰਂ ਹਤ੍ਥੇਨ ਨਯਨ੍ਤੀਤਿ વਾ ਖੀਰਨਿਕਾ। ਕਿਲਮਤੀਤਿ ਤਂਤਂਕਿਚ੍ਚਕਰਣવਸੇਨ ਖਿਜ੍ਜਤਿ। ਫਨ੍ਦਤੀਤਿ ਅਨਤ੍ਥਸਮਾਯੋਗવਸੇਨ વਿਪ੍ਫਨ੍ਦਤਿ। ਅਪੁਨਬ੍ਭવਾਯਾਤਿ ਆਯਤਿਂ ਅਨੁਪ੍ਪਤ੍ਤਿਯਾ। ਮਗ੍ਗੋ ਨਾਮਾਤਿ ਉਪਾਯੋ ਨਾਮ ਨਿਬ੍ਬਾਨਂ, ਤਸ੍ਮਿਂ ਲਦ੍ਧੇ ਪੁਨਬ੍ਭવਾਭਾવਤੋ। ‘‘ਪੁਨਪ੍ਪੁਨ’’ਨ੍ਤਿ વਚਨਂ ਉਪਾਦਾਯ ਬੀਜવਪਨਾਦਯੋ ਪੁਨਪ੍ਪੁਨਧਮ੍ਮਾ ਨਾਮ ਜਾਤਾਤਿ ਆਹ ‘‘ਸੋਲ਼ਸ ਪੁਨਪ੍ਪੁਨਧਮ੍ਮੇ ਦੇਸੇਨ੍ਤੇਨਾ’’ਤਿ।
Desanā…pe… dasseti brāhmaṇena vuttaṃ ayuttavacanaṃ parivaṭṭentopi divase divase bhikkhācariyā nāma bhikkhūnaṃ kāyagatā vuttīti. Khīraṃ hatthena nayantīti vā khīranikā. Kilamatīti taṃtaṃkiccakaraṇavasena khijjati. Phandatīti anatthasamāyogavasena vipphandati. Apunabbhavāyāti āyatiṃ anuppattiyā. Maggo nāmāti upāyo nāma nibbānaṃ, tasmiṃ laddhe punabbhavābhāvato. ‘‘Punappuna’’nti vacanaṃ upādāya bījavapanādayo punappunadhammā nāma jātāti āha ‘‘soḷasa punappunadhamme desentenā’’ti.
ਉਦਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Udayasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਉਦਯਸੁਤ੍ਤਂ • 2. Udayasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਉਦਯਸੁਤ੍ਤવਣ੍ਣਨਾ • 2. Udayasuttavaṇṇanā
