| Library / Tipiṭaka / តិបិដក • Tipiṭaka / សុត្តនិបាតបាឡិ • Suttanipātapāḷi |
២. តិស្សមេត្តេយ្យមាណវបុច្ឆា
2. Tissametteyyamāṇavapucchā
១០៤៦.
1046.
‘‘កោធ សន្តុសិតោ លោកេ, (ឥច្ចាយស្មា តិស្សមេត្តេយ្យោ)
‘‘Kodha santusito loke, (iccāyasmā tissametteyyo)
កស្ស នោ សន្តិ ឥញ្ជិតា;
Kassa no santi iñjitā;
កំ ព្រូសិ មហាបុរិសោតិ, កោ ឥធ សិព្ពិនិមច្ចគា’’។
Kaṃ brūsi mahāpurisoti, ko idha sibbinimaccagā’’.
១០៤៧.
1047.
‘‘កាមេសុ ព្រហ្មចរិយវា, (មេត្តេយ្យាតិ ភគវា)
‘‘Kāmesu brahmacariyavā, (metteyyāti bhagavā)
វីតតណ្ហោ សទា សតោ;
Vītataṇho sadā sato;
សង្ខាយ និព្ពុតោ ភិក្ខុ, តស្ស នោ សន្តិ ឥញ្ជិតា។
Saṅkhāya nibbuto bhikkhu, tassa no santi iñjitā.
១០៤៨.
1048.
‘‘សោ ឧភន្តមភិញ្ញាយ, មជ្ឈេ មន្តា ន លិប្បតិ;
‘‘So ubhantamabhiññāya, majjhe mantā na lippati;
តំ ព្រូមិ មហាបុរិសោតិ, សោ ឥធ សិព្ពិនិមច្ចគា’’តិ។
Taṃ brūmi mahāpurisoti, so idha sibbinimaccagā’’ti.
តិស្សមេត្តេយ្យមាណវបុច្ឆា ទុតិយា និដ្ឋិតា។
Tissametteyyamāṇavapucchā dutiyā niṭṭhitā.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / សុត្តនិបាត-អដ្ឋកថា • Suttanipāta-aṭṭhakathā / ២. តិស្សមេត្តេយ្យសុត្តវណ្ណនា • 2. Tissametteyyasuttavaṇṇanā
