| Library / Tipiṭaka / তিপিটক • Tipiṭaka / চূল়নিদ্দেসপাল়ি • Cūḷaniddesapāḷi |
২. তিস্সমেত্তেয্যমাণৰপুচ্ছা
2. Tissametteyyamāṇavapucchā
৬৫.
65.
‘‘কোধ সন্তুসিতো লোকে, [ইচ্চাযস্মা তিস্সমেত্তেয্যো]
‘‘Kodha santusito loke, [iccāyasmā tissametteyyo]
কস্স নো সন্তি ইঞ্জিতা।
Kassa no santi iñjitā;
কং ব্রূসি মহাপুরিসোতি, কো ইধ সিব্বিনিমচ্চগা’’তি 3॥
Kaṃ brūsi mahāpurisoti, ko idha sibbinimaccagā’’ti 4.
৬৬.
66.
‘‘কামেসু ব্রহ্মচরিযৰা, [মেত্তেয্যাতি ভগৰা]
‘‘Kāmesu brahmacariyavā, [metteyyāti bhagavā]
ৰীততণ্হো সদা সতো।
Vītataṇho sadā sato;
সঙ্খায নিব্বুতো ভিক্খু, তস্স নো সন্তি ইঞ্জিতা॥
Saṅkhāya nibbuto bhikkhu, tassa no santi iñjitā.
৬৭.
67.
‘‘সো উভন্তমভিঞ্ঞায, মজ্ঝে মন্তা ন লিপ্পতি।
‘‘So ubhantamabhiññāya, majjhe mantā na lippati;
তং ব্রূমি মহাপুরিসোতি, সো ইধ সিব্বিনিমচ্চগা’’তি॥
Taṃ brūmi mahāpurisoti, so idha sibbinimaccagā’’ti.
তিস্সমেত্তেয্যমাণৰপুচ্ছা দুতিযা।
Tissametteyyamāṇavapucchā dutiyā.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / চূল়নিদ্দেস-অট্ঠকথা • Cūḷaniddesa-aṭṭhakathā / ২. তিস্সমেত্তেয্যমাণৰসুত্তনিদ্দেসৰণ্ণনা • 2. Tissametteyyamāṇavasuttaniddesavaṇṇanā
