| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៧. តិណសូលកត្ថេរអបទានំ
7. Tiṇasūlakattheraapadānaṃ
៣៥.
35.
‘‘ហិមវន្តស្សាវិទូរេ , ភូតគណោ នាម បព្ពតោ;
‘‘Himavantassāvidūre , bhūtagaṇo nāma pabbato;
វសតេកោ ជិនោ តត្ថ, សយម្ភូ លោកនិស្សដោ។
Vasateko jino tattha, sayambhū lokanissaṭo.
៣៦.
36.
‘‘តិណសូលំ គហេត្វាន, ពុទ្ធស្ស អភិរោបយិំ;
‘‘Tiṇasūlaṃ gahetvāna, buddhassa abhiropayiṃ;
ឯកូនសតសហស្សំ, កប្បំ ន វិនិបាតិកោ។
Ekūnasatasahassaṃ, kappaṃ na vinipātiko.
៣៧.
37.
‘‘ឥតោ ឯកាទសេ កប្បេ, ឯកោសិំ ធរណីរុហោ;
‘‘Ito ekādase kappe, ekosiṃ dharaṇīruho;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៣៨.
38.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា តិណសូលកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā tiṇasūlako thero imā gāthāyo abhāsitthāti.
តិណសូលកត្ថេរស្សាបទានំ សត្តមំ។
Tiṇasūlakattherassāpadānaṃ sattamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៧. តិណសូលកត្ថេរអបទានវណ្ណនា • 7. Tiṇasūlakattheraapadānavaṇṇanā
