| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៩. តិមិរបុប្ផិយត្ថេរអបទានំ
9. Timirapupphiyattheraapadānaṃ
៣១.
31.
‘‘ចន្ទភាគានទីតីរេ, អនុសោតំ វជាមហំ;
‘‘Candabhāgānadītīre, anusotaṃ vajāmahaṃ;
អទ្ទសំ វិរជំ ពុទ្ធំ, សាលរាជំវ ផុល្លិតំ។
Addasaṃ virajaṃ buddhaṃ, sālarājaṃva phullitaṃ.
៣២.
32.
‘‘បសន្នចិត្តោ សុមនោ, បច្ចេកមុនិមុត្តមំ;
‘‘Pasannacitto sumano, paccekamunimuttamaṃ;
គហេត្វា តិមិរំ បុប្ផំ, មត្ថកេ ឱកិរិំ អហំ។
Gahetvā timiraṃ pupphaṃ, matthake okiriṃ ahaṃ.
៣៣.
33.
‘‘ឯកនវុតិតោ កប្បេ, យំ បុប្ផមភិបូជយិំ;
‘‘Ekanavutito kappe, yaṃ pupphamabhipūjayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
៣៤.
34.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា តិមិរបុប្ផិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā timirapupphiyo thero imā gāthāyo abhāsitthāti.
តិមិរបុប្ផិយត្ថេរស្សាបទានំ នវមំ។
Timirapupphiyattherassāpadānaṃ navamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. តមាលបុប្ផិយត្ថេរអបទានាទិវណ្ណនា • 1-10. Tamālapupphiyattheraapadānādivaṇṇanā
