| Library / Tipiṭaka / តិបិដក • Tipiṭaka / អបទាន-អដ្ឋកថា • Apadāna-aṭṭhakathā |
៩. តិកិច្ឆកត្ថេរអបទានវណ្ណនា
9. Tikicchakattheraapadānavaṇṇanā
នគរេ ពន្ធុមតិយាតិអាទិកំ អាយស្មតោ តិកិច្ឆកត្ថេរស្ស អបទានំ។ អយម្បាយស្មា បុរិមជិនវរេសុ កតាធិការោ តត្ថ តត្ថ ភវេ វិវដ្ដូបនិស្សយានិ បុញ្ញានិ ឧបចិនន្តោ វិបស្សិស្ស ភគវតោ កាលេ ពន្ធុមតីនគរេ វេជ្ជកុលេ និព្ពត្តោ ពហុស្សុតោ សុសិក្ខិតោ វេជ្ជកម្មេ ឆេកោ ពហូ រោគិនោ តិកិច្ឆន្តោ វិបស្សិស្ស ភគវតោ ឧបដ្ឋាកស្ស អសោកនាមត្ថេរស្ស រោគំ តិកិច្ឆិ។ សោ តេន បុញ្ញេន ទេវមនុស្សេសុ អបរាបរំ សុខំ អនុភវន្តោ និព្ពត្តនិព្ពត្តភវេ អរោគោ ទីឃាយុកោ សុវណ្ណវណ្ណសរីរោ អហោសិ។
Nagarebandhumatiyātiādikaṃ āyasmato tikicchakattherassa apadānaṃ. Ayampāyasmā purimajinavaresu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle bandhumatīnagare vejjakule nibbatto bahussuto susikkhito vejjakamme cheko bahū rogino tikicchanto vipassissa bhagavato upaṭṭhākassa asokanāmattherassa rogaṃ tikicchi. So tena puññena devamanussesu aparāparaṃ sukhaṃ anubhavanto nibbattanibbattabhave arogo dīghāyuko suvaṇṇavaṇṇasarīro ahosi.
៣៩. សោ ឥមស្មិំ ពុទ្ធុប្បាទេ សាវត្ថិយំ គហបតិកុលេ និព្ពត្តោ វុទ្ធិមន្វាយ សព្ពសិប្បេសុ និប្ផត្តិំ បត្តោ អរោគោ សុខិតោ វិភវសម្បន្នោ រតនត្តយេ បសន្នោ សត្ថុ ធម្មទេសនំ សុត្វា បដិលទ្ធសទ្ធោ ឃរាវាសំ បហាយ បព្ពជិត្វា នចិរស្សេវ អរហា ហុត្វា បុព្ពកម្មំ សរិត្វា សោមនស្សជាតោ បុព្ពចរិតាបទានំ បកាសេន្តោ នគរេ ពន្ធុមតិយាតិអាទិមាហ។ តំ សព្ពំ ហេដ្ឋា វុត្តនយត្តា ឧត្តានត្ថមេវាតិ។
39. So imasmiṃ buddhuppāde sāvatthiyaṃ gahapatikule nibbatto vuddhimanvāya sabbasippesu nipphattiṃ patto arogo sukhito vibhavasampanno ratanattaye pasanno satthu dhammadesanaṃ sutvā paṭiladdhasaddho gharāvāsaṃ pahāya pabbajitvā nacirasseva arahā hutvā pubbakammaṃ saritvā somanassajāto pubbacaritāpadānaṃ pakāsento nagare bandhumatiyātiādimāha. Taṃ sabbaṃ heṭṭhā vuttanayattā uttānatthamevāti.
តិកិច្ឆកត្ថេរអបទានវណ្ណនា សមត្តា។
Tikicchakattheraapadānavaṇṇanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / អបទានបាឡិ • Apadānapāḷi / ៩. តិកិច្ឆកត្ថេរអបទានំ • 9. Tikicchakattheraapadānaṃ
