| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៩. តិកិច្ឆកត្ថេរអបទានំ
9. Tikicchakattheraapadānaṃ
៣៩.
39.
‘‘នគរេ ពន្ធុមតិយា, វេជ្ជោ អាសិំ សុសិក្ខិតោ;
‘‘Nagare bandhumatiyā, vejjo āsiṃ susikkhito;
អាតុរានំ សទុក្ខានំ, មហាជនសុខាវហោ។
Āturānaṃ sadukkhānaṃ, mahājanasukhāvaho.
៤០.
40.
‘‘ព្យាធិតំ សមណំ ទិស្វា, សីលវន្តំ មហាជុតិំ;
‘‘Byādhitaṃ samaṇaṃ disvā, sīlavantaṃ mahājutiṃ;
បសន្នចិត្តោ សុមនោ, ភេសជ្ជមទទិំ តទា។
Pasannacitto sumano, bhesajjamadadiṃ tadā.
៤១.
41.
‘‘អរោគោ អាសិ តេនេវ, សមណោ សំវុតិន្ទ្រិយោ;
‘‘Arogo āsi teneva, samaṇo saṃvutindriyo;
អសោកោ នាម នាមេន, ឧបដ្ឋាកោ វិបស្សិនោ។
Asoko nāma nāmena, upaṭṭhāko vipassino.
៤២.
42.
‘‘ឯកនវុតិតោ កប្បេ, យំ ឱសធមទាសហំ;
‘‘Ekanavutito kappe, yaṃ osadhamadāsahaṃ;
ទុគ្គតិំ នាភិជានាមិ, ភេសជ្ជស្ស ឥទំ ផលំ។
Duggatiṃ nābhijānāmi, bhesajjassa idaṃ phalaṃ.
៤៣.
43.
‘‘ឥតោ ច អដ្ឋមេ កប្បេ, សព្ពោសធសនាមកោ;
‘‘Ito ca aṭṭhame kappe, sabbosadhasanāmako;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៤៤.
44.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា តិកិច្ឆកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā tikicchako thero imā gāthāyo abhāsitthāti.
តិកិច្ឆកត្ថេរស្សាបទានំ នវមំ។
Tikicchakattherassāpadānaṃ navamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៩. តិកិច្ឆកត្ថេរអបទានវណ្ណនា • 9. Tikicchakattheraapadānavaṇṇanā
