| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១០. សង្ឃុបដ្ឋាកត្ថេរអបទានំ
10. Saṅghupaṭṭhākattheraapadānaṃ
៤៥.
45.
‘‘វេស្សភុម្ហិ ភគវតិ, អហោសារាមិកោ អហំ;
‘‘Vessabhumhi bhagavati, ahosārāmiko ahaṃ;
បសន្នចិត្តោ សុមនោ, ឧបដ្ឋិំ សង្ឃមុត្តមំ។
Pasannacitto sumano, upaṭṭhiṃ saṅghamuttamaṃ.
៤៦.
46.
‘‘ឯកត្តិំសេ ឥតោ កប្បេ, យំ កម្មមករិំ តទា;
‘‘Ekattiṃse ito kappe, yaṃ kammamakariṃ tadā;
ទុគ្គតិំ នាភិជានាមិ, ឧបដ្ឋានស្សិទំ ផលំ។
Duggatiṃ nābhijānāmi, upaṭṭhānassidaṃ phalaṃ.
៤៧.
47.
‘‘ឥតោ តេ សត្តមេ កប្បេ, សត្តេវាសុំ សមោទកា;
‘‘Ito te sattame kappe, sattevāsuṃ samodakā;
សត្តរតនសម្បន្នា, ចក្កវត្តី មហព្ពលា។
Sattaratanasampannā, cakkavattī mahabbalā.
៤៨.
48.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សង្ឃុបដ្ឋាកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā saṅghupaṭṭhāko thero imā gāthāyo abhāsitthāti.
សង្ឃុបដ្ឋាកត្ថេរស្សាបទានំ ទសមំ។
Saṅghupaṭṭhākattherassāpadānaṃ dasamaṃ.
កុមុទវគ្គោ អដ្ឋារសមោ។
Kumudavaggo aṭṭhārasamo.
តស្សុទ្ទានំ –
Tassuddānaṃ –
កុមុទោ អថ និស្សេណី, រត្តិកោ ឧទបានទោ;
Kumudo atha nisseṇī, rattiko udapānado;
សីហាសនី មគ្គទទោ, ឯកទីបី មណិប្បទោ;
Sīhāsanī maggadado, ekadīpī maṇippado;
តិកិច្ឆកោ ឧបដ្ឋាកោ, ឯកបញ្ញាស គាថកាតិ។
Tikicchako upaṭṭhāko, ekapaññāsa gāthakāti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១០. សង្ឃុបដ្ឋាកត្ថេរអបទានវណ្ណនា • 10. Saṅghupaṭṭhākattheraapadānavaṇṇanā
