| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၁၀. တတိယစေတနာသုတ္တဝဏ္ဏနာ
10. Tatiyacetanāsuttavaṇṇanā
၄၀. ဒသမေ နတီတိ တဏ္ဟာ။ သာ ဟိ ပိယရူပေသု ရူပာဒီသု နမနဋ္ဌေန ‘‘နတီ’’တိ ဝုစ္စတိ။ အာဂတိ ဂတိ ဟောတီတိ အာဂတိမ္ဟိ ဂတိ ဟောတိ, အာဂတေ ပစ္စုပဋ္ဌိတေ ကမ္မေ ဝာ ကမ္မနိမိတ္တေ ဝာ ဂဟိနိမိတ္တေ ဝာ ပဋိသန္ဓိဝသေန ဝိညာဏသ္သ ဂတိ ဟောတိ။ စုတူပပာတောတိ ဧဝံ ဝိညာဏသ္သ အာဂတေ ပဋိသန္ဓိဝိသယေ ဂတိယာ သတိ ဣတော စဝနသင္ခာတာ စုတိ, တတ္ထူပပတ္တိသင္ခာတော ဥပပာတောတိ အယံ စုတူပပာတော နာမ ဟောတိ။ ဧဝံ ဣမသ္မိံ သုတ္တေ နတိယာ စ အာဂတိဂတိယာ စ အန္တရေ ဧကောဝ သန္ဓိ ကထိတောတိ။ ဒသမံ။
40. Dasame natīti taṇhā. Sā hi piyarūpesu rūpādīsu namanaṭṭhena ‘‘natī’’ti vuccati. Āgati gati hotīti āgatimhi gati hoti, āgate paccupaṭṭhite kamme vā kammanimitte vā gahinimitte vā paṭisandhivasena viññāṇassa gati hoti. Cutūpapātoti evaṃ viññāṇassa āgate paṭisandhivisaye gatiyā sati ito cavanasaṅkhātā cuti, tatthūpapattisaṅkhāto upapātoti ayaṃ cutūpapāto nāma hoti. Evaṃ imasmiṃ sutte natiyā ca āgatigatiyā ca antare ekova sandhi kathitoti. Dasamaṃ.
ကဠာရခတ္တိယဝဂ္ဂော စတုတ္ထော။
Kaḷārakhattiyavaggo catuttho.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. တတိယစေတနာသုတ္တံ • 10. Tatiyacetanāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၀. တတိယစေတနာသုတ္တဝဏ္ဏနာ • 10. Tatiyacetanāsuttavaṇṇanā
