| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၁၀. တတိယစေတနာသုတ္တဝဏ္ဏနာ
10. Tatiyacetanāsuttavaṇṇanā
၄၀. ရူပာဒီသု ဆသု အာရမ္မဏေသု။ တေန စေတ္ထ ဘဝတ္တယံ သင္ဂဏ္ဟာတိ ဆဠာရမ္မဏပရိယာပန္နတ္တာ။ တသ္သေဝ ဘဝတ္တယသ္သ ပတ္ထနာ ပဏိဓာနာဒိဝသေန နတိ နာမ။ အာဂတိမ္ဟိ ဂတီတိ ပစ္စုပဋ္ဌာနဝသေန အဘိမုခံ ဂတိ ပဝတ္တိ ဧတသ္မာတိ အာဂတိ, ကမ္မာဒိနိမိတ္တံ။ တသ္မိံ ပဋိသန္ဓိဝိညာဏသ္သ ဂတိ ပဝတ္တိ နိဗ္ဗတ္တိ ဟောတိ။ တေနာဟ ‘‘အာဂတေ’’တိအာဒိ။ စုတူပပာတောတိ စဝနံ စုတိ, မရဏံ။ ဥပပဇ္ဇနံ နိဗ္ဗတ္တိ, ဥပပာတော။ စုတိတော ဥပပာတော ပုနရုပ္ပာဒော။ တေနာဟ ‘‘ဧဝံ ဝိညာဏသ္သာ’’တိအာဒိ။ ဣတောတိ နိဗ္ဗတ္တဘဝတော။ တတ္ထာတိ ပုနဗ္ဘဝသင္ခာတေ အာယတိဘဝေ။ ဧကောဝ သန္ဓီတိ ဧကော ဟေတုဖလသန္ဓိ ဧဝ ကထိတော။
40.Rūpādīsu chasu ārammaṇesu. Tena cettha bhavattayaṃ saṅgaṇhāti chaḷārammaṇapariyāpannattā. Tasseva bhavattayassa patthanā paṇidhānādivasena nati nāma. Āgatimhi gatīti paccupaṭṭhānavasena abhimukhaṃ gati pavatti etasmāti āgati, kammādinimittaṃ. Tasmiṃ paṭisandhiviññāṇassa gati pavatti nibbatti hoti. Tenāha ‘‘āgate’’tiādi. Cutūpapātoti cavanaṃ cuti, maraṇaṃ. Upapajjanaṃ nibbatti, upapāto. Cutito upapāto punaruppādo. Tenāha ‘‘evaṃ viññāṇassā’’tiādi. Itoti nibbattabhavato. Tatthāti punabbhavasaṅkhāte āyatibhave. Ekova sandhīti eko hetuphalasandhi eva kathito.
တတိယစေတနာသုတ္တဝဏ္ဏနာ နိဋ္ဌိတာ။
Tatiyacetanāsuttavaṇṇanā niṭṭhitā.
ကဠာရခတ္တိယဝဂ္ဂဝဏ္ဏနာ နိဋ္ဌိတာ။
Kaḷārakhattiyavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. တတိယစေတနာသုတ္တံ • 10. Tatiyacetanāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၀. တတိယစေတနာသုတ္တဝဏ္ဏနာ • 10. Tatiyacetanāsuttavaṇṇanā
