| Library / Tipiṭaka / តិបិដក • Tipiṭaka / មហាវិភង្គ-អដ្ឋកថា • Mahāvibhaṅga-aṭṭhakathā |
៥. តលសត្តិកសិក្ខាបទវណ្ណនា
5. Talasattikasikkhāpadavaṇṇanā
៤៥៤. បញ្ចមេ – តលសត្តិកំ ឧគ្គិរន្តីតិ បហារទានាការំ ទស្សេត្វា កាយម្បិ កាយបដិពទ្ធម្បិ ឧច្ចារេន្តិ។ តេ បហារសមុច្ចិតា រោទន្តីតិ តេ បហារបរិចិតា បុព្ពេបិ លទ្ធបហារត្តា ឥទានិ ច បហារំ ទស្សន្តីតិ មញ្ញមានា រោទន្តីតិ អត្ថោ។ ‘‘បហារស្ស មុច្ចិតា’’តិបិ សជ្ឈាយន្តិ, តត្ថ ‘‘បហារស្ស ភីតា’’តិ អត្ថោ។
454. Pañcame – talasattikaṃ uggirantīti pahāradānākāraṃ dassetvā kāyampi kāyapaṭibaddhampi uccārenti. Te pahārasamuccitā rodantīti te pahāraparicitā pubbepi laddhapahārattā idāni ca pahāraṃ dassantīti maññamānā rodantīti attho. ‘‘Pahārassa muccitā’’tipi sajjhāyanti, tattha ‘‘pahārassa bhītā’’ti attho.
៤៥៧. ឧគ្គិរតិ អាបត្តិ បាចិត្តិយស្សាតិ ឯត្ថ សចេ ឧគ្គិរិត្វា វិរទ្ធោ បហារំ ទេតិ, អវស្សំ ធារេតុំ អសក្កោន្តស្ស បហារោ សហសា បតតិ, ន បហរិតុកាមតាយ ទិន្នត្តា ទុក្កដំ។ តេន បហារេន ហត្ថាទីសុ យំកិញ្ចិ ភិជ្ជតិ, ទុក្កដមេវ។
457.Uggirati āpatti pācittiyassāti ettha sace uggiritvā viraddho pahāraṃ deti, avassaṃ dhāretuṃ asakkontassa pahāro sahasā patati, na paharitukāmatāya dinnattā dukkaṭaṃ. Tena pahārena hatthādīsu yaṃkiñci bhijjati, dukkaṭameva.
៤៥៨. មោក្ខាធិប្បាយោ តលសត្តិកំ ឧគ្គិរតីតិ ឯត្ថ បុព្ពេ វុត្តេសុ វត្ថូសុ បុរិមនយេនេវ តលសត្តិកំ ឧគ្គិរន្តស្ស អនាបត្តិ។ សចេបិ វិរជ្ឈិត្វា បហារំ ទេតិ, អនាបត្តិយេវ។ សេសំ បុរិមសទិសមេវ សទ្ធិំ សមុដ្ឋានាទីហីតិ។
458.Mokkhādhippāyo talasattikaṃ uggiratīti ettha pubbe vuttesu vatthūsu purimanayeneva talasattikaṃ uggirantassa anāpatti. Sacepi virajjhitvā pahāraṃ deti, anāpattiyeva. Sesaṃ purimasadisameva saddhiṃ samuṭṭhānādīhīti.
តលសត្តិកសិក្ខាបទំ បញ្ចមំ។
Talasattikasikkhāpadaṃ pañcamaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៨. សហធម្មិកវគ្គោ • 8. Sahadhammikavaggo
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៥. តលសត្តិកសិក្ខាបទវណ្ណនា • 5. Talasattikasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៥. តលសត្តិកសិក្ខាបទវណ្ណនា • 5. Talasattikasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៥. តលសត្តិកសិក្ខាបទំ • 5. Talasattikasikkhāpadaṃ
