| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৪৪৬. তক্কলজাতকং (৮)
446. Takkalajātakaṃ (8)
৮২.
82.
ন তক্কলা সন্তি ন আলুৰানি 1, ন বিল়ালিযো ন কল়ম্বানি তাত।
Na takkalā santi na āluvāni 2, na biḷāliyo na kaḷambāni tāta;
একো অরঞ্ঞম্হি সুসানমজ্ঝে, কিমত্থিকো তাত খণাসি কাসুং॥
Eko araññamhi susānamajjhe, kimatthiko tāta khaṇāsi kāsuṃ.
৮৩.
83.
পিতামহো তাত সুদুব্বলো তে, অনেকব্যাধীহি দুখেন ফুট্ঠো।
Pitāmaho tāta sudubbalo te, anekabyādhīhi dukhena phuṭṭho;
তমজ্জহং নিখণিস্সামি সোব্ভে, ন হিস্স তং জীৰিতং রোচযামি॥
Tamajjahaṃ nikhaṇissāmi sobbhe, na hissa taṃ jīvitaṃ rocayāmi.
৮৪.
84.
সঙ্কপ্পমেতং পটিলদ্ধ পাপকং, অচ্চাহিতং কম্ম করোসি লুদ্দং।
Saṅkappametaṃ paṭiladdha pāpakaṃ, accāhitaṃ kamma karosi luddaṃ;
মযাপি তাত পটিলচ্ছসে তুৰং, এতাদিসং কম্ম জরূপনীতো।
Mayāpi tāta paṭilacchase tuvaṃ, etādisaṃ kamma jarūpanīto;
তং কুল্লৰত্তং অনুৰত্তমানো, অহম্পি তং নিখণিস্সামি সোব্ভে॥
Taṃ kullavattaṃ anuvattamāno, ahampi taṃ nikhaṇissāmi sobbhe.
৮৫.
85.
ফরুসাহি ৰাচাহি পকুব্বমানো, আসজ্জ মং ত্ৰং ৰদসে কুমার।
Pharusāhi vācāhi pakubbamāno, āsajja maṃ tvaṃ vadase kumāra;
পুত্তো মমং ওরসকো সমানো, অহিতানুকম্পী মম ত্ৰংসি পুত্ত॥
Putto mamaṃ orasako samāno, ahitānukampī mama tvaṃsi putta.
৮৬.
86.
পাপঞ্চ তং কম্ম পকুব্বমানং, অরহামি নো ৰারযিতুং ততো॥
Pāpañca taṃ kamma pakubbamānaṃ, arahāmi no vārayituṃ tato.
৮৭.
87.
যো মাতরং ৰা পিতরং সৰিট্ঠ 7, অদূসকে হিংসতি পাপধম্মো।
Yo mātaraṃ vā pitaraṃ saviṭṭha 8, adūsake hiṃsati pāpadhammo;
কাযস্স ভেদা অভিসম্পরাযং, অসংসযং সো নিরযং উপেতি 9॥
Kāyassa bhedā abhisamparāyaṃ, asaṃsayaṃ so nirayaṃ upeti 10.
৮৮.
88.
যো মাতরং ৰা পিতরং সৰিট্ঠ, অন্নেন পানেন উপট্ঠহাতি।
Yo mātaraṃ vā pitaraṃ saviṭṭha, annena pānena upaṭṭhahāti;
কাযস্স ভেদা অভিসম্পরাযং, অসংসযং সো সুগতিং উপেতি॥
Kāyassa bhedā abhisamparāyaṃ, asaṃsayaṃ so sugatiṃ upeti.
৮৯.
89.
ন মে ত্ৰং পুত্ত অহিতানুকম্পী, হিতানুকম্পী মে 11 ত্ৰংসি পুত্ত।
Na me tvaṃ putta ahitānukampī, hitānukampī me 12 tvaṃsi putta;
অহঞ্চ তং মাতরা ৰুচ্চমানো, এতাদিসং কম্ম করোমি লুদ্দং॥
Ahañca taṃ mātarā vuccamāno, etādisaṃ kamma karomi luddaṃ.
৯০.
90.
যা তে সা ভরিযা অনরিযরূপা, মাতা মমেসা সকিযা জনেত্তি।
Yā te sā bhariyā anariyarūpā, mātā mamesā sakiyā janetti;
নিদ্ধাপযে 13 তঞ্চ সকা অগারা, অঞ্ঞম্পি তে সা দুখমাৰহেয্য॥
Niddhāpaye 14 tañca sakā agārā, aññampi te sā dukhamāvaheyya.
৯১.
91.
যা তে সা ভরিযা অনরিযরূপা, মাতা মমেসা সকিযা জনেত্তি।
Yā te sā bhariyā anariyarūpā, mātā mamesā sakiyā janetti;
দন্তা করেণূৰ ৰসূপনীতা, সা পাপধম্মা পুনরাৰজাতূতি॥
Dantā kareṇūva vasūpanītā, sā pāpadhammā punarāvajātūti.
তক্কলজাতকং অট্ঠমং।
Takkalajātakaṃ aṭṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৪৪৬] ৮. তক্কলজাতকৰণ্ণনা • [446] 8. Takkalajātakavaṇṇanā
