| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១៧. សុបារិចរិយវគ្គោ
17. Supāricariyavaggo
១. សុបារិចរិយត្ថេរអបទានំ
1. Supāricariyattheraapadānaṃ
១.
1.
‘‘បទុមោ នាម នាមេន, ទ្វិបទិន្ទោ នរាសភោ;
‘‘Padumo nāma nāmena, dvipadindo narāsabho;
បវនា អភិនិក្ខម្ម, ធម្មំ ទេសេតិ ចក្ខុមា។
Pavanā abhinikkhamma, dhammaṃ deseti cakkhumā.
២.
2.
‘‘យក្ខានំ សមយោ អាសិ, អវិទូរេ មហេសិនោ;
‘‘Yakkhānaṃ samayo āsi, avidūre mahesino;
យេន កិច្ចេន សម្បត្តា, អជ្ឈាបេក្ខិំសុ តាវទេ។
Yena kiccena sampattā, ajjhāpekkhiṃsu tāvade.
៣.
3.
‘‘ពុទ្ធស្ស គិរមញ្ញាយ, អមតស្ស ច ទេសនំ;
‘‘Buddhassa giramaññāya, amatassa ca desanaṃ;
បសន្នចិត្តោ សុមនោ, អប្ផោដេត្វា ឧបដ្ឋហិំ។
Pasannacitto sumano, apphoṭetvā upaṭṭhahiṃ.
៤.
4.
‘‘សុចិណ្ណស្ស ផលំ បស្ស, ឧបដ្ឋានស្ស សត្ថុនោ;
‘‘Suciṇṇassa phalaṃ passa, upaṭṭhānassa satthuno;
តិំសកប្បសហស្សេសុ, ទុគ្គតិំ នុបបជ្ជហំ។
Tiṃsakappasahassesu, duggatiṃ nupapajjahaṃ.
៥.
5.
‘‘ឩនតិំសេ កប្បសតេ, សមលង្កតនាមកោ;
‘‘Ūnatiṃse kappasate, samalaṅkatanāmako;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៦.
6.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
ឥត្ថំ សុទំ អាយស្មា សុបារិចរិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā supāricariyo thero imā gāthāyo abhāsitthāti.
សុបារិចរិយត្ថេរស្សាបទានំ បឋមំ។
Supāricariyattherassāpadānaṃ paṭhamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១. សុបារិចរិយត្ថេរអបទានវណ្ណនា • 1. Supāricariyattheraapadānavaṇṇanā
