| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. កណវេរបុប្ផិយត្ថេរអបទានំ
2. Kaṇaverapupphiyattheraapadānaṃ
៧.
7.
‘‘សិទ្ធត្ថោ នាម ភគវា, លោកជេដ្ឋោ នរាសភោ;
‘‘Siddhattho nāma bhagavā, lokajeṭṭho narāsabho;
បុរក្ខតោ សាវកេហិ, នគរំ បដិបជ្ជថ។
Purakkhato sāvakehi, nagaraṃ paṭipajjatha.
៨.
8.
‘‘រញ្ញោ អន្តេបុរេ អាសិំ, គោបកោ អភិសម្មតោ;
‘‘Rañño antepure āsiṃ, gopako abhisammato;
បាសាទេ ឧបវិដ្ឋោហំ, អទ្ទសំ លោកនាយកំ។
Pāsāde upaviṭṭhohaṃ, addasaṃ lokanāyakaṃ.
៩.
9.
ពុទ្ធស្ស វិសុំ កត្វាន, តតោ ភិយ្យោ សមោកិរិំ។
Buddhassa visuṃ katvāna, tato bhiyyo samokiriṃ.
១០.
10.
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
១១.
11.
‘‘សត្តាសីតិម្ហិតោ កប្បេ, ចតុរាសុំ មហិទ្ធិកា;
‘‘Sattāsītimhito kappe, caturāsuṃ mahiddhikā;
សត្តរតនសម្បន្នា, ចក្កវត្តី មហព្ពលា។
Sattaratanasampannā, cakkavattī mahabbalā.
១២.
12.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា កណវេរបុប្ផិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā kaṇaverapupphiyo thero imā gāthāyo abhāsitthāti.
កណវេរបុប្ផិយត្ថេរស្សាបទានំ ទុតិយំ។
Kaṇaverapupphiyattherassāpadānaṃ dutiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ២. កណវេរបុប្ផិយត្ថេរអបទានវណ្ណនា • 2. Kaṇaverapupphiyattheraapadānavaṇṇanā
