| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣. ខជ្ជកទាយកត្ថេរអបទានំ
3. Khajjakadāyakattheraapadānaṃ
១៣.
13.
‘‘តិស្សស្ស ខោ ភគវតោ, បុព្ពេ ផលមទាសហំ;
‘‘Tissassa kho bhagavato, pubbe phalamadāsahaṃ;
នាឡិកេរញ្ច បាទាសិំ, ខជ្ជកំ អភិសម្មតំ។
Nāḷikerañca pādāsiṃ, khajjakaṃ abhisammataṃ.
១៤.
14.
‘‘ពុទ្ធស្ស តមហំ ទត្វា, តិស្សស្ស តុ មហេសិនោ;
‘‘Buddhassa tamahaṃ datvā, tissassa tu mahesino;
១៥.
15.
‘‘ទ្វេនវុតេ ឥតោ កប្បេ, យំ ទានមទទិំ តទា;
‘‘Dvenavute ito kappe, yaṃ dānamadadiṃ tadā;
ទុគ្គតិំ នាភិជានាមិ, ផលទានស្សិទំ ផលំ។
Duggatiṃ nābhijānāmi, phaladānassidaṃ phalaṃ.
១៦.
16.
‘‘ឥតោ តេរសកប្បម្ហិ, រាជា ឥន្ទសមោ អហុ;
‘‘Ito terasakappamhi, rājā indasamo ahu;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
១៧.
17.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ខជ្ជកទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā khajjakadāyako thero imā gāthāyo abhāsitthāti.
ខជ្ជកទាយកត្ថេរស្សាបទានំ តតិយំ។
Khajjakadāyakattherassāpadānaṃ tatiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៣. ខជ្ជកទាយកត្ថេរអបទានវណ្ណនា • 3. Khajjakadāyakattheraapadānavaṇṇanā
