| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៤. ទេសបូជកត្ថេរអបទានំ
4. Desapūjakattheraapadānaṃ
១៨.
18.
‘‘អត្ថទស្សី តុ ភគវា, លោកជេដ្ឋោ នរាសភោ;
‘‘Atthadassī tu bhagavā, lokajeṭṭho narāsabho;
អព្ភុគ្គន្ត្វាន វេហាសំ, គច្ឆតេ អនិលញ្ជសេ។
Abbhuggantvāna vehāsaṃ, gacchate anilañjase.
១៩.
19.
‘‘យម្ហិ ទេសេ ឋិតោ សត្ថា, អព្ភុគ្គច្ឆិ មហាមុនិ;
‘‘Yamhi dese ṭhito satthā, abbhuggacchi mahāmuni;
តាហំ ទេសំ អបូជេសិំ, បសន្នោ សេហិ បាណិភិ។
Tāhaṃ desaṃ apūjesiṃ, pasanno sehi pāṇibhi.
២០.
20.
‘‘អដ្ឋារសេ កប្បសតេ, អទ្ទសំ យំ មហាមុនិំ;
‘‘Aṭṭhārase kappasate, addasaṃ yaṃ mahāmuniṃ;
ទុគ្គតិំ នាភិជានាមិ, ទេសបូជាយិទំ ផលំ។
Duggatiṃ nābhijānāmi, desapūjāyidaṃ phalaṃ.
២១.
21.
‘‘ឯកាទសេ កប្បសតេ, គោសុជាតសនាមកោ;
‘‘Ekādase kappasate, gosujātasanāmako;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
២២.
22.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ទេសបូជកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā desapūjako thero imā gāthāyo abhāsitthāti.
ទេសបូជកត្ថេរស្សាបទានំ ចតុត្ថំ។
Desapūjakattherassāpadānaṃ catutthaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៤. ទេសបូជកត្ថេរអបទានវណ្ណនា • 4. Desapūjakattheraapadānavaṇṇanā
