| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៥. កណិការឆត្តិយត្ថេរអបទានំ
5. Kaṇikārachattiyattheraapadānaṃ
២៣.
23.
‘‘វេស្សភូ នាម សម្ពុទ្ធោ, លោកជេដ្ឋោ នរាសភោ;
‘‘Vessabhū nāma sambuddho, lokajeṭṭho narāsabho;
ទិវាវិហារាយ មុនិ, ឱគាហយិ មហាវនំ។
Divāvihārāya muni, ogāhayi mahāvanaṃ.
២៤.
24.
‘‘កណិការំ ឱចិនិត្វា, ឆត្តំ កត្វានហំ តទា;
‘‘Kaṇikāraṃ ocinitvā, chattaṃ katvānahaṃ tadā;
បុប្ផច្ឆទនំ កត្វាន, ពុទ្ធស្ស អភិរោបយិំ។
Pupphacchadanaṃ katvāna, buddhassa abhiropayiṃ.
២៥.
25.
‘‘ឯកត្តិំសេ ឥតោ កប្បេ, យំ បុប្ផមភិរោបយិំ;
‘‘Ekattiṃse ito kappe, yaṃ pupphamabhiropayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
២៦.
26.
‘‘ឥតោ វីសតិកប្បម្ហិ, សោណ្ណាភា អដ្ឋ ខត្តិយា;
‘‘Ito vīsatikappamhi, soṇṇābhā aṭṭha khattiyā;
សត្តរតនសម្បន្នា, ចក្កវត្តី មហព្ពលា។
Sattaratanasampannā, cakkavattī mahabbalā.
២៧.
27.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា កណិការឆត្តិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā kaṇikārachattiyo thero imā gāthāyo abhāsitthāti.
កណិការឆត្តិយត្ថេរស្សាបទានំ បញ្ចមំ។
Kaṇikārachattiyattherassāpadānaṃ pañcamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៥. កណិការឆត្តិយត្ថេរអបទានវណ្ណនា • 5. Kaṇikārachattiyattheraapadānavaṇṇanā
