| Library / Tipiṭaka / ತಿಪಿಟಕ • Tipiṭaka / ಥೇರೀಗಾಥಾಪಾಳಿ • Therīgāthāpāḷi |
೪. ಸುನ್ದರೀನನ್ದಾಥೇರೀಗಾಥಾ
4. Sundarīnandātherīgāthā
೮೨.
82.
‘‘ಆತುರಂ ಅಸುಚಿಂ ಪೂತಿಂ, ಪಸ್ಸ ನನ್ದೇ ಸಮುಸ್ಸಯಂ।
‘‘Āturaṃ asuciṃ pūtiṃ, passa nande samussayaṃ;
ಅಸುಭಾಯ ಚಿತ್ತಂ ಭಾವೇಹಿ, ಏಕಗ್ಗಂ ಸುಸಮಾಹಿತಂ॥
Asubhāya cittaṃ bhāvehi, ekaggaṃ susamāhitaṃ.
೮೩.
83.
‘‘ಯಥಾ ಇದಂ ತಥಾ ಏತಂ, ಯಥಾ ಏತಂ ತಥಾ ಇದಂ।
‘‘Yathā idaṃ tathā etaṃ, yathā etaṃ tathā idaṃ;
ದುಗ್ಗನ್ಧಂ ಪೂತಿಕಂ ವಾತಿ, ಬಾಲಾನಂ ಅಭಿನನ್ದಿತಂ॥
Duggandhaṃ pūtikaṃ vāti, bālānaṃ abhinanditaṃ.
೮೪.
84.
‘‘ಏವಮೇತಂ ಅವೇಕ್ಖನ್ತೀ, ರತ್ತಿನ್ದಿವಮತನ್ದಿತಾ।
‘‘Evametaṃ avekkhantī, rattindivamatanditā;
೮೫.
85.
‘‘ತಸ್ಸಾ ಮೇ ಅಪ್ಪಮತ್ತಾಯ, ವಿಚಿನನ್ತಿಯಾ ಯೋನಿಸೋ।
‘‘Tassā me appamattāya, vicinantiyā yoniso;
ಯಥಾಭೂತಂ ಅಯಂ ಕಾಯೋ, ದಿಟ್ಠೋ ಸನ್ತರಬಾಹಿರೋ॥
Yathābhūtaṃ ayaṃ kāyo, diṭṭho santarabāhiro.
೮೬.
86.
‘‘ಅಥ ನಿಬ್ಬಿನ್ದಹಂ ಕಾಯೇ, ಅಜ್ಝತ್ತಞ್ಚ ವಿರಜ್ಜಹಂ।
‘‘Atha nibbindahaṃ kāye, ajjhattañca virajjahaṃ;
ಅಪ್ಪಮತ್ತಾ ವಿಸಂಯುತ್ತಾ, ಉಪಸನ್ತಾಮ್ಹಿ ನಿಬ್ಬುತಾ’’ತಿ॥
Appamattā visaṃyuttā, upasantāmhi nibbutā’’ti.
… ಸುನ್ದರೀನನ್ದಾ ಥೇರೀ…।
… Sundarīnandā therī….
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರೀಗಾಥಾ-ಅಟ್ಠಕಥಾ • Therīgāthā-aṭṭhakathā / ೪. ಸುನ್ದರೀನನ್ದಾಥೇರೀಗಾಥಾವಣ್ಣನಾ • 4. Sundarīnandātherīgāthāvaṇṇanā
