| Library / Tipiṭaka / ತಿಪಿಟಕ • Tipiṭaka / ಥೇರೀಗಾಥಾಪಾಳಿ • Therīgāthāpāḷi |
೫. ನನ್ದುತ್ತರಾಥೇರೀಗಾಥಾ
5. Nanduttarātherīgāthā
೮೭.
87.
‘‘ಅಗ್ಗಿಂ ಚನ್ದಞ್ಚ ಸೂರಿಯಞ್ಚ, ದೇವತಾ ಚ ನಮಸ್ಸಿಹಂ।
‘‘Aggiṃ candañca sūriyañca, devatā ca namassihaṃ;
ನದೀತಿತ್ಥಾನಿ ಗನ್ತ್ವಾನ, ಉದಕಂ ಓರುಹಾಮಿಹಂ॥
Nadītitthāni gantvāna, udakaṃ oruhāmihaṃ.
೮೮.
88.
‘‘ಬಹೂವತಸಮಾದಾನಾ , ಅಡ್ಢಂ ಸೀಸಸ್ಸ ಓಲಿಖಿಂ।
‘‘Bahūvatasamādānā , aḍḍhaṃ sīsassa olikhiṃ;
ಛಮಾಯ ಸೇಯ್ಯಂ ಕಪ್ಪೇಮಿ, ರತ್ತಿಂ ಭತ್ತಂ ನ ಭುಞ್ಜಹಂ॥
Chamāya seyyaṃ kappemi, rattiṃ bhattaṃ na bhuñjahaṃ.
೮೯.
89.
‘‘ವಿಭೂಸಾಮಣ್ಡನರತಾ, ನ್ಹಾಪನುಚ್ಛಾದನೇಹಿ ಚ।
‘‘Vibhūsāmaṇḍanaratā, nhāpanucchādanehi ca;
ಉಪಕಾಸಿಂ ಇಮಂ ಕಾಯಂ, ಕಾಮರಾಗೇನ ಅಟ್ಟಿತಾ॥
Upakāsiṃ imaṃ kāyaṃ, kāmarāgena aṭṭitā.
೯೦.
90.
‘‘ತತೋ ಸದ್ಧಂ ಲಭಿತ್ವಾನ, ಪಬ್ಬಜಿಂ ಅನಗಾರಿಯಂ।
‘‘Tato saddhaṃ labhitvāna, pabbajiṃ anagāriyaṃ;
ದಿಸ್ವಾ ಕಾಯಂ ಯಥಾಭೂತಂ, ಕಾಮರಾಗೋ ಸಮೂಹತೋ॥
Disvā kāyaṃ yathābhūtaṃ, kāmarāgo samūhato.
೯೧.
91.
‘‘ಸಬ್ಬೇ ಭವಾ ಸಮುಚ್ಛಿನ್ನಾ, ಇಚ್ಛಾ ಚ ಪತ್ಥನಾಪಿ ಚ।
‘‘Sabbe bhavā samucchinnā, icchā ca patthanāpi ca;
ಸಬ್ಬಯೋಗವಿಸಂಯುತ್ತಾ, ಸನ್ತಿಂ ಪಾಪುಣಿ ಚೇತಸೋ’’ತಿ॥
Sabbayogavisaṃyuttā, santiṃ pāpuṇi cetaso’’ti.
… ನನ್ದುತ್ತರಾ ಥೇರೀ…।
… Nanduttarā therī….
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರೀಗಾಥಾ-ಅಟ್ಠಕಥಾ • Therīgāthā-aṭṭhakathā / ೫. ನನ್ದುತ್ತರಾಥೇರೀಗಾಥಾವಣ್ಣನಾ • 5. Nanduttarātherīgāthāvaṇṇanā
