| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
៣. សុខានុប្បទានកថាវណ្ណនា
3. Sukhānuppadānakathāvaṇṇanā
៧៤៧-៧៤៨. ឥទានិ សុខានុប្បទានកថា នាម ហោតិ។ តត្ថ ‘‘ពហូនំ វត នោ ភគវា សុខធម្មានំ ឧបហត្តា’’តិ (ម. និ. ២.១៤៨) សុត្តំ និស្សាយ បរោ បរស្ស សុខំ អនុប្បទេតីតិ យេសំ លទ្ធិ, សេយ្យថាបិ ហេតុវាទានំ; តេ សន្ធាយ បុច្ឆា សកវាទិស្ស, បដិញ្ញា ឥតរស្ស។ ទុក្ខំ អនុប្បទេតីតិ បុដ្ឋោ បន តាទិសំ សុត្តបទំ អបស្សន្តោ បដិក្ខិបតិ។ អត្តនោ សុខន្តិអាទិបញ្ហេ យំ អត្តនោ បរស្ស វា, តំ អនុប្បទាតុំ ន សក្កា។ យំ តស្សេវ, កិំ តត្ថ អនុប្បទានំ នាមាតិ បដិក្ខិបតិ។ នេវត្តនោតិអាទិបញ្ហេ បន យំ ឯវរូបំ, ន តំ អនុប្បទិន្នំ នាម ភវិតុមរហតីតិ លទ្ធិយាបដិជានាតិ។ នោ ច វត រេតិតាទិសស្ស សុខស្ស អភាវា វុត្តំ។ សុខធម្មានំ ឧបហត្តាតិវចនំ ភគវតោ បរេសំ សុខុប្បត្តិយា បច្ចយភាវំ ទីបេតិ, ន អន្នាទីនំ វិយ សុខស្ស អនុប្បទានំ, តស្មា អសាធកន្តិ។
747-748. Idāni sukhānuppadānakathā nāma hoti. Tattha ‘‘bahūnaṃ vata no bhagavā sukhadhammānaṃ upahattā’’ti (ma. ni. 2.148) suttaṃ nissāya paro parassa sukhaṃ anuppadetīti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Dukkhaṃ anuppadetīti puṭṭho pana tādisaṃ suttapadaṃ apassanto paṭikkhipati. Attano sukhantiādipañhe yaṃ attano parassa vā, taṃ anuppadātuṃ na sakkā. Yaṃ tasseva, kiṃ tattha anuppadānaṃ nāmāti paṭikkhipati. Nevattanotiādipañhe pana yaṃ evarūpaṃ, na taṃ anuppadinnaṃ nāma bhavitumarahatīti laddhiyāpaṭijānāti. No ca vata retitādisassa sukhassa abhāvā vuttaṃ. Sukhadhammānaṃ upahattātivacanaṃ bhagavato paresaṃ sukhuppattiyā paccayabhāvaṃ dīpeti, na annādīnaṃ viya sukhassa anuppadānaṃ, tasmā asādhakanti.
សុខានុប្បទានកថាវណ្ណនា។
Sukhānuppadānakathāvaṇṇanā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១៥៨) ៣. សុខានុប្បទានកថា • (158) 3. Sukhānuppadānakathā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៣. សុខានុប្បទានកថាវណ្ណនា • 3. Sukhānuppadānakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ៣. សុខានុប្បទានកថាវណ្ណនា • 3. Sukhānuppadānakathāvaṇṇanā
