| Library / Tipiṭaka / ತಿಪಿಟಕ • Tipiṭaka / ಥೇರೀಗಾಥಾಪಾಳಿ • Therīgāthāpāḷi |
೪. ಸುಜಾತಾಥೇರೀಗಾಥಾ
4. Sujātātherīgāthā
೧೪೫.
145.
‘‘ಅಲಙ್ಕತಾ ಸುವಸನಾ, ಮಾಲಿನೀ ಚನ್ದನೋಕ್ಖಿತಾ।
‘‘Alaṅkatā suvasanā, mālinī candanokkhitā;
ಸಬ್ಬಾಭರಣಸಞ್ಛನ್ನಾ, ದಾಸೀಗಣಪುರಕ್ಖತಾ॥
Sabbābharaṇasañchannā, dāsīgaṇapurakkhatā.
೧೪೬.
146.
‘‘ಅನ್ನಂ ಪಾನಞ್ಚ ಆದಾಯ, ಖಜ್ಜಂ ಭೋಜ್ಜಂ ಅನಪ್ಪಕಂ।
‘‘Annaṃ pānañca ādāya, khajjaṃ bhojjaṃ anappakaṃ;
ಗೇಹತೋ ನಿಕ್ಖಮಿತ್ವಾನ, ಉಯ್ಯಾನಮಭಿಹಾರಯಿಂ॥
Gehato nikkhamitvāna, uyyānamabhihārayiṃ.
೧೪೭.
147.
‘‘ತತ್ಥ ರಮಿತ್ವಾ ಕೀಳಿತ್ವಾ, ಆಗಚ್ಛನ್ತೀ ಸಕಂ ಘರಂ।
‘‘Tattha ramitvā kīḷitvā, āgacchantī sakaṃ gharaṃ;
ವಿಹಾರಂ ದಟ್ಠುಂ ಪಾವಿಸಿಂ, ಸಾಕೇತೇ ಅಞ್ಜನಂ ವನಂ॥
Vihāraṃ daṭṭhuṃ pāvisiṃ, sākete añjanaṃ vanaṃ.
೧೪೮.
148.
‘‘ದಿಸ್ವಾನ ಲೋಕಪಜ್ಜೋತಂ, ವನ್ದಿತ್ವಾನ ಉಪಾವಿಸಿಂ।
‘‘Disvāna lokapajjotaṃ, vanditvāna upāvisiṃ;
ಸೋ ಮೇ ಧಮ್ಮಮದೇಸೇಸಿ, ಅನುಕಮ್ಪಾಯ ಚಕ್ಖುಮಾ॥
So me dhammamadesesi, anukampāya cakkhumā.
೧೪೯.
149.
‘‘ಸುತ್ವಾ ಚ ಖೋ ಮಹೇಸಿಸ್ಸ, ಸಚ್ಚಂ ಸಮ್ಪಟಿವಿಜ್ಝಹಂ।
‘‘Sutvā ca kho mahesissa, saccaṃ sampaṭivijjhahaṃ;
ತತ್ಥೇವ ವಿರಜಂ ಧಮ್ಮಂ, ಫುಸಯಿಂ ಅಮತಂ ಪದಂ॥
Tattheva virajaṃ dhammaṃ, phusayiṃ amataṃ padaṃ.
೧೫೦.
150.
‘‘ತತೋ ವಿಞ್ಞಾತಸದ್ಧಮ್ಮಾ, ಪಬ್ಬಜಿಂ ಅನಗಾರಿಯಂ।
‘‘Tato viññātasaddhammā, pabbajiṃ anagāriyaṃ;
ತಿಸ್ಸೋ ವಿಜ್ಜಾ ಅನುಪ್ಪತ್ತಾ, ಅಮೋಘಂ ಬುದ್ಧಸಾಸನ’’ನ್ತಿ॥
Tisso vijjā anuppattā, amoghaṃ buddhasāsana’’nti.
… ಸುಜಾತಾ ಥೇರೀ…।
… Sujātā therī….
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರೀಗಾಥಾ-ಅಟ್ಠಕಥಾ • Therīgāthā-aṭṭhakathā / ೪. ಸುಜಾತಾಥೇರೀಗಾಥಾವಣ್ಣನಾ • 4. Sujātātherīgāthāvaṇṇanā
