| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១០. សុធាវគ្គោ
10. Sudhāvaggo
១. សុធាបិណ្ឌិយត្ថេរអបទានំ
1. Sudhāpiṇḍiyattheraapadānaṃ
១.
1.
‘‘បូជារហេ បូជយតោ, ពុទ្ធេ យទិ វ សាវកេ;
‘‘Pūjārahe pūjayato, buddhe yadi va sāvake;
បបញ្ចសមតិក្កន្តេ, តិណ្ណសោកបរិទ្ទវេ។
Papañcasamatikkante, tiṇṇasokapariddave.
២.
2.
‘‘តេ តាទិសេ បូជយតោ, និព្ពុតេ អកុតោភយេ;
‘‘Te tādise pūjayato, nibbute akutobhaye;
៣.
3.
‘‘ចតុន្នមបិ ទីបានំ, ឥស្សរំ យោធ ការយេ;
‘‘Catunnamapi dīpānaṃ, issaraṃ yodha kāraye;
ឯកិស្សា បូជនាយេតំ, កលំ នាគ្ឃតិ សោឡសិំ។
Ekissā pūjanāyetaṃ, kalaṃ nāgghati soḷasiṃ.
៤.
4.
‘‘សិទ្ធត្ថស្ស នរគ្គស្ស, ចេតិយេ ផលិតន្តរេ;
‘‘Siddhatthassa naraggassa, cetiye phalitantare;
សុធាបិណ្ឌោ មយា ទិន្នោ, វិប្បសន្នេន ចេតសា។
Sudhāpiṇḍo mayā dinno, vippasannena cetasā.
៥.
5.
‘‘ចតុន្នវុតិតោ កប្បេ, យំ កម្មមករិំ តទា;
‘‘Catunnavutito kappe, yaṃ kammamakariṃ tadā;
ទុគ្គតិំ នាភិជានាមិ, បដិសង្ខារស្សិទំ ផលំ។
Duggatiṃ nābhijānāmi, paṭisaṅkhārassidaṃ phalaṃ.
៦.
6.
‘‘ឥតោ តិំសតិកប្បម្ហិ, បដិសង្ខារសវ្ហយា;
‘‘Ito tiṃsatikappamhi, paṭisaṅkhārasavhayā;
សត្តរតនសម្បន្នា, តេរស ចក្កវត្តិនោ។
Sattaratanasampannā, terasa cakkavattino.
៧.
7.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
ឥត្ថំ សុទំ អាយស្មា សុធាបិណ្ឌិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā sudhāpiṇḍiyo thero imā gāthāyo abhāsitthāti.
សុធាបិណ្ឌិយត្ថេរស្សាបទានំ បឋមំ។
Sudhāpiṇḍiyattherassāpadānaṃ paṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១. សុធាបិណ្ឌិយត្ថេរអបទានវណ្ណនា • 1. Sudhāpiṇḍiyattheraapadānavaṇṇanā
