| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. សុចិន្តិកត្ថេរអបទានំ
2. Sucintikattheraapadānaṃ
៨.
8.
‘‘តិស្សស្ស លោកនាថស្ស, សុទ្ធបីឋមទាសហំ;
‘‘Tissassa lokanāthassa, suddhapīṭhamadāsahaṃ;
ហដ្ឋោ ហដ្ឋេន ចិត្តេន, ពុទ្ធស្សាទិច្ចពន្ធុនោ។
Haṭṭho haṭṭhena cittena, buddhassādiccabandhuno.
៩.
9.
ភោគោ ច វិបុលោ អាសិ, សយនញ្ច អនប្បកំ។
Bhogo ca vipulo āsi, sayanañca anappakaṃ.
១០.
10.
‘‘បីឋំ ពុទ្ធស្ស ទត្វាន, វិប្បសន្នេន ចេតសា;
‘‘Pīṭhaṃ buddhassa datvāna, vippasannena cetasā;
អនុភោមិ សកំ កម្មំ, បុព្ពេ សុកតមត្តនោ។
Anubhomi sakaṃ kammaṃ, pubbe sukatamattano.
១១.
11.
‘‘ទ្វេនវុតេ ឥតោ កប្បេ, យំ បីឋមទទិំ តទា;
‘‘Dvenavute ito kappe, yaṃ pīṭhamadadiṃ tadā;
ទុគ្គតិំ នាភិជានាមិ, បីឋទានស្សិទំ ផលំ។
Duggatiṃ nābhijānāmi, pīṭhadānassidaṃ phalaṃ.
១២.
12.
‘‘អដ្ឋតិំសេ ឥតោ កប្បេ, តយោ តេ ចក្កវត្តិនោ;
‘‘Aṭṭhatiṃse ito kappe, tayo te cakkavattino;
រុចិ ឧបរុចិ ចេវ, មហារុចិ តតិយកោ។
Ruci uparuci ceva, mahāruci tatiyako.
១៣.
13.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សុចិន្តិកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā sucintiko thero imā gāthāyo abhāsitthāti.
សុចិន្តិកត្ថេរស្សាបទានំ ទុតិយំ។
Sucintikattherassāpadānaṃ dutiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ២. សុចិន្តិកត្ថេរអបទានវណ្ណនា • 2. Sucintikattheraapadānavaṇṇanā
