| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. សុទស្សនត្ថេរអបទានំ
2. Sudassanattheraapadānaṃ
១០.
10.
តាហំ រុក្ខំ គវេសន្តោ, អទ្ទសំ លោកនាយកំ។
Tāhaṃ rukkhaṃ gavesanto, addasaṃ lokanāyakaṃ.
១១.
11.
‘‘កេតកំ បុប្ផិតំ ទិស្វា, វណ្ដេ ឆេត្វានហំ តទា;
‘‘Ketakaṃ pupphitaṃ disvā, vaṇṭe chetvānahaṃ tadā;
ពុទ្ធស្ស អភិរោបេសិំ, សិខិនោ លោកពន្ធុនោ។
Buddhassa abhiropesiṃ, sikhino lokabandhuno.
១២.
12.
‘‘យេន ញាណេន បត្តោសិ, អច្ចុតំ អមតំ បទំ;
‘‘Yena ñāṇena pattosi, accutaṃ amataṃ padaṃ;
តំ ញាណំ អភិបូជេមិ, ពុទ្ធសេដ្ឋ មហាមុនិ។
Taṃ ñāṇaṃ abhipūjemi, buddhaseṭṭha mahāmuni.
១៣.
13.
‘‘ញាណម្ហិ បូជំ កត្វាន, បិលក្ខុមទ្ទសំ អហំ;
‘‘Ñāṇamhi pūjaṃ katvāna, pilakkhumaddasaṃ ahaṃ;
១៤.
14.
‘‘ឯកត្តិំសេ ឥតោ កប្បេ, យំ បុប្ផមភិរោបយិំ;
‘‘Ekattiṃse ito kappe, yaṃ pupphamabhiropayiṃ;
ទុគ្គតិំ នាភិជានាមិ, ញាណបូជាយិទំ ផលំ។
Duggatiṃ nābhijānāmi, ñāṇapūjāyidaṃ phalaṃ.
១៥.
15.
‘‘ឥតោ តេរសកប្បម្ហិ, ទ្វាទសាសុំ ផលុគ្គតា;
‘‘Ito terasakappamhi, dvādasāsuṃ phaluggatā;
សត្តរតនសម្បន្នា, ចក្កវត្តី មហប្ផលា។
Sattaratanasampannā, cakkavattī mahapphalā.
១៦.
16.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សុទស្សនោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā sudassano thero imā gāthāyo abhāsitthāti.
សុទស្សនត្ថេរស្សាបទានំ ទុតិយំ។
Sudassanattherassāpadānaṃ dutiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ២. សុទស្សនត្ថេរអបទានវណ្ណនា • 2. Sudassanattheraapadānavaṇṇanā
