| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣. ចន្ទនបូជនកត្ថេរអបទានំ
3. Candanapūjanakattheraapadānaṃ
១៧.
17.
‘‘ចន្ទភាគានទីតីរេ, អហោសិំ កិន្នរោ តទា;
‘‘Candabhāgānadītīre, ahosiṃ kinnaro tadā;
១៨.
18.
‘‘អត្ថទស្សី តុ ភគវា, លោកជេដ្ឋោ នរាសភោ;
‘‘Atthadassī tu bhagavā, lokajeṭṭho narāsabho;
វិបិនគ្គេន និយ្យាសិ, ហំសរាជាវ អម្ពរេ។
Vipinaggena niyyāsi, haṃsarājāva ambare.
១៩.
19.
‘‘នមោ តេ បុរិសាជញ្ញ, ចិត្តំ តេ សុវិសោធិតំ;
‘‘Namo te purisājañña, cittaṃ te suvisodhitaṃ;
បសន្នមុខវណ្ណោសិ, វិប្បសន្នមុខិន្ទ្រិយោ។
Pasannamukhavaṇṇosi, vippasannamukhindriyo.
២០.
20.
‘‘ឱរោហិត្វាន អាកាសា, ភូរិបញ្ញោ សុមេធសោ;
‘‘Orohitvāna ākāsā, bhūripañño sumedhaso;
សង្ឃាដិំ បត្ថរិត្វាន, បល្លង្កេន ឧបាវិសិ។
Saṅghāṭiṃ pattharitvāna, pallaṅkena upāvisi.
២១.
21.
‘‘វិលីនំ ចន្ទនាទាយ, អគមាសិំ ជិនន្តិកំ;
‘‘Vilīnaṃ candanādāya, agamāsiṃ jinantikaṃ;
បសន្នចិត្តោ សុមនោ, ពុទ្ធស្ស អភិរោបយិំ។
Pasannacitto sumano, buddhassa abhiropayiṃ.
២២.
22.
‘‘អភិវាទេត្វាន សម្ពុទ្ធំ, លោកជេដ្ឋំ នរាសភំ;
‘‘Abhivādetvāna sambuddhaṃ, lokajeṭṭhaṃ narāsabhaṃ;
បាមោជ្ជំ ជនយិត្វាន, បក្កាមិំ ឧត្តរាមុខោ។
Pāmojjaṃ janayitvāna, pakkāmiṃ uttarāmukho.
២៣.
23.
‘‘អដ្ឋារសេ កប្បសតេ, ចន្ទនំ យំ អបូជយិំ;
‘‘Aṭṭhārase kappasate, candanaṃ yaṃ apūjayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
២៤.
24.
‘‘ចតុទ្ទសេ កប្បសតេ, ឥតោ អាសិំសុ តេ តយោ;
‘‘Catuddase kappasate, ito āsiṃsu te tayo;
២៥.
25.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ចន្ទនបូជនកោ ថេរោ ឥមា គាថាយោ អភាសិត្ថាតិ;
Itthaṃ sudaṃ āyasmā candanapūjanako thero imā gāthāyo abhāsitthāti;
ចន្ទនបូជនកត្ថេរស្សាបទានំ តតិយំ។
Candanapūjanakattherassāpadānaṃ tatiyaṃ.
អដ្ឋមភាណវារំ។
Aṭṭhamabhāṇavāraṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៣. ចន្ទនបូជនកត្ថេរអបទានវណ្ណនា • 3. Candanapūjanakattheraapadānavaṇṇanā
