| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៤. បុប្ផច្ឆទនិយត្ថេរអបទានំ
4. Pupphacchadaniyattheraapadānaṃ
២៦.
26.
‘‘សុនន្ទោ នាម នាមេន, ព្រាហ្មណោ មន្តបារគូ;
‘‘Sunando nāma nāmena, brāhmaṇo mantapāragū;
អជ្ឈាយកោ យាចយោគោ, វាជបេយ្យំ អយាជយិ។
Ajjhāyako yācayogo, vājapeyyaṃ ayājayi.
២៧.
27.
‘‘បទុមុត្តរោ លោកវិទូ, អគ្គោ ការុណិកោ ឥសិ;
‘‘Padumuttaro lokavidū, aggo kāruṇiko isi;
ជនតំ អនុកម្បន្តោ, អម្ពរេ ចង្កមី តទា។
Janataṃ anukampanto, ambare caṅkamī tadā.
២៨.
28.
‘‘ចង្កមិត្វាន សម្ពុទ្ធោ, សព្ពញ្ញូ លោកនាយកោ;
‘‘Caṅkamitvāna sambuddho, sabbaññū lokanāyako;
២៩.
29.
‘‘វណ្ដេ ឆេត្វាន បុប្ផានិ, ព្រាហ្មណោ មន្តបារគូ;
‘‘Vaṇṭe chetvāna pupphāni, brāhmaṇo mantapāragū;
សព្ពេ សិស្សេ សមានេត្វា, អាកាសេ ឧក្ខិបាបយិ។
Sabbe sisse samānetvā, ākāse ukkhipāpayi.
៣០.
30.
‘‘យាវតា នគរំ អាសិ, បុប្ផានំ ឆទនំ តទា;
‘‘Yāvatā nagaraṃ āsi, pupphānaṃ chadanaṃ tadā;
ពុទ្ធស្ស អានុភាវេន, សត្តាហំ ន វិគច្ឆថ។
Buddhassa ānubhāvena, sattāhaṃ na vigacchatha.
៣១.
31.
‘‘តេនេវ សុក្កមូលេន, អនុភោត្វាន សម្បទា;
‘‘Teneva sukkamūlena, anubhotvāna sampadā;
សព្ពាសវេ បរិញ្ញាយ, តិណ្ណោ លោកេ វិសត្តិកំ។
Sabbāsave pariññāya, tiṇṇo loke visattikaṃ.
៣២.
32.
‘‘ឯការសេ កប្បសតេ, បញ្ចតិំសាសុ ខត្តិយា;
‘‘Ekārase kappasate, pañcatiṃsāsu khattiyā;
អម្ពរំសសនាមា តេ, ចក្កវត្តី មហព្ពលា។
Ambaraṃsasanāmā te, cakkavattī mahabbalā.
៣៣.
33.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បុប្ផច្ឆទនិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā pupphacchadaniyo thero imā gāthāyo abhāsitthāti.
បុប្ផច្ឆទនិយត្ថេរស្សាបទានំ ចតុត្ថំ។
Pupphacchadaniyattherassāpadānaṃ catutthaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៤. បុប្ផច្ឆទនិយត្ថេរអបទានវណ្ណនា • 4. Pupphacchadaniyattheraapadānavaṇṇanā
