| Library / Tipiṭaka / តិបិដក • Tipiṭaka / អបទាន-អដ្ឋកថា • Apadāna-aṭṭhakathā |
៧. សូចិទាយកត្ថេរអបទានវណ្ណនា
7. Sūcidāyakattheraapadānavaṇṇanā
តិំសកប្បសហស្សម្ហីតិអាទិកំ អាយស្មតោ សូចិទាយកត្ថេរស្ស អបទានំ។ អយម្បិ បុរិមជិនវរេសុ កតាធិការោ តត្ថ តត្ថ ភវេ វិវដ្ដូបនិស្សយានិ បុញ្ញានិ ឧបចិនន្តោ សុមេធស្ស ភគវតោ កាលេ ឯកស្មិំ កុលគេហេ និព្ពត្តោ វុទ្ធិមន្វាយ ភគវតោ ចីវរកម្មំ កាតុំ បញ្ច សូចិយោ អទាសិ។ សោ តេន បុញ្ញេន ទេវមនុស្សេសុ បុញ្ញមនុភវិត្វា វិចរន្តោ ឧប្បន្នុប្បន្នភវេ តិក្ខបញ្ញោ ហុត្វា បាកដោ ឥមស្មិំ ពុទ្ធុប្បាទេ ឯកស្មិំ កុលគេហេ និព្ពត្តោ វុទ្ធិមន្វាយ សត្ថរិ បសីទិត្វា បព្ពជន្តោ តិក្ខបញ្ញតាយ ខុរគ្គេយេវ អរហត្តំ បាបុណិ។
Tiṃsakappasahassamhītiādikaṃ āyasmato sūcidāyakattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto sumedhassa bhagavato kāle ekasmiṃ kulagehe nibbatto vuddhimanvāya bhagavato cīvarakammaṃ kātuṃ pañca sūciyo adāsi. So tena puññena devamanussesu puññamanubhavitvā vicaranto uppannuppannabhave tikkhapañño hutvā pākaṭo imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajanto tikkhapaññatāya khuraggeyeva arahattaṃ pāpuṇi.
៣០. សោ អបរភាគេ បុញ្ញំ បច្ចវេក្ខន្តោ តំ ទិស្វា សោមនស្សជាតោ បុព្ពចរិតាបទានំ បកាសេន្តោ តិំសកប្បសហស្សម្ហីតិអាទិមាហ។ អន្តរន្តរំ បនេត្ថ សុវិញ្ញេយ្យមេវ។
30. So aparabhāge puññaṃ paccavekkhanto taṃ disvā somanassajāto pubbacaritāpadānaṃ pakāsento tiṃsakappasahassamhītiādimāha. Antarantaraṃ panettha suviññeyyameva.
៣១. បញ្ចសូចី មយា ទិន្នាតិ ឯត្ថ សូចតិ ឆិទ្ទំ ករោតិ វិជ្ឈតីតិ សូចិ, បញ្ចមត្តា សូចី បញ្ចសូចី មយា ទិន្នាតិ អត្ថោ។ សេសំ សុវិញ្ញេយ្យមេវាតិ។
31.Pañcasūcī mayā dinnāti ettha sūcati chiddaṃ karoti vijjhatīti sūci, pañcamattā sūcī pañcasūcī mayā dinnāti attho. Sesaṃ suviññeyyamevāti.
សូចិទាយកត្ថេរអបទានវណ្ណនា សមត្តា។
Sūcidāyakattheraapadānavaṇṇanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / អបទានបាឡិ • Apadānapāḷi / ៧. សូចិទាយកត្ថេរអបទានំ • 7. Sūcidāyakattheraapadānaṃ
