| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៧. សូចិទាយកត្ថេរអបទានំ
7. Sūcidāyakattheraapadānaṃ
៣០.
30.
‘‘តិំសកប្បសហស្សម្ហិ, សម្ពុទ្ធោ លោកនាយកោ;
‘‘Tiṃsakappasahassamhi, sambuddho lokanāyako;
សុមេធោ នាម នាមេន, ពាត្តិំសវរលក្ខណោ។
Sumedho nāma nāmena, bāttiṃsavaralakkhaṇo.
៣១.
31.
‘‘តស្ស កញ្ចនវណ្ណស្ស, ទ្វិបទិន្ទស្ស តាទិនោ;
‘‘Tassa kañcanavaṇṇassa, dvipadindassa tādino;
បញ្ច សូចី មយា ទិន្នា, សិព្ពនត្ថាយ ចីវរំ។
Pañca sūcī mayā dinnā, sibbanatthāya cīvaraṃ.
៣២.
32.
‘‘តេនេវ សូចិទានេន, និបុណត្ថវិបស្សកំ;
‘‘Teneva sūcidānena, nipuṇatthavipassakaṃ;
តិក្ខំ លហុញ្ច ផាសុញ្ច, ញាណំ មេ ឧទបជ្ជថ។
Tikkhaṃ lahuñca phāsuñca, ñāṇaṃ me udapajjatha.
៣៣.
33.
‘‘កិលេសា ឈាបិតា មយ្ហំ, ភវា សព្ពេ សមូហតា;
‘‘Kilesā jhāpitā mayhaṃ, bhavā sabbe samūhatā;
ធារេមិ អន្តិមំ ទេហំ, សម្មាសម្ពុទ្ធសាសនេ។
Dhāremi antimaṃ dehaṃ, sammāsambuddhasāsane.
៣៤.
34.
‘‘ទ្វិបទាធិបតី នាម, រាជានោ ចតុរោ អហុំ;
‘‘Dvipadādhipatī nāma, rājāno caturo ahuṃ;
សត្តរតនសម្បន្នា, ចក្កវត្តី មហព្ពលា។
Sattaratanasampannā, cakkavattī mahabbalā.
៣៥.
35.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សូចិទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā sūcidāyako thero imā gāthāyo abhāsitthāti.
សូចិទាយកត្ថេរស្សាបទានំ សត្តមំ។
Sūcidāyakattherassāpadānaṃ sattamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៧. សូចិទាយកត្ថេរអបទានវណ្ណនា • 7. Sūcidāyakattheraapadānavaṇṇanā
