| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៨. បាដលិបុប្ផិយត្ថេរអបទានំ
8. Pāṭalipupphiyattheraapadānaṃ
៣៦.
36.
‘‘សុវណ្ណវណ្ណំ សម្ពុទ្ធំ, គច្ឆន្តំ អន្តរាបណេ;
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
កញ្ចនគ្ឃិយសង្កាសំ, ពាត្តិំសវរលក្ខណំ។
Kañcanagghiyasaṅkāsaṃ, bāttiṃsavaralakkhaṇaṃ.
៣៧.
37.
‘‘សេដ្ឋិបុត្តោ តទា អាសិំ, សុខុមាលោ សុខេធិតោ;
‘‘Seṭṭhiputto tadā āsiṃ, sukhumālo sukhedhito;
៣៨.
38.
‘‘ហដ្ឋោ ហដ្ឋេន ចិត្តេន, បុប្ផេហិ អភិបូជយិំ;
‘‘Haṭṭho haṭṭhena cittena, pupphehi abhipūjayiṃ;
តិស្សំ លោកវិទុំ នាថំ, នរទេវំ នមស្សហំ។
Tissaṃ lokaviduṃ nāthaṃ, naradevaṃ namassahaṃ.
៣៩.
39.
‘‘ទ្វេនវុតេ ឥតោ កប្បេ, យំ កម្មមករិំ តទា;
‘‘Dvenavute ito kappe, yaṃ kammamakariṃ tadā;
ទុគ្គតិំ នាភិជានាមិ, បុប្ផបូជាយិទំ ផលំ។
Duggatiṃ nābhijānāmi, pupphapūjāyidaṃ phalaṃ.
៤០.
40.
‘‘ឥតោ តេសដ្ឋិកប្បម្ហិ, អភិសម្មតនាមកោ;
‘‘Ito tesaṭṭhikappamhi, abhisammatanāmako;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៤១.
41.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បាដលិបុប្ផិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā pāṭalipupphiyo thero imā gāthāyo abhāsitthāti.
បាដលិបុប្ផិយត្ថេរស្សាបទានំ អដ្ឋមំ។
Pāṭalipupphiyattherassāpadānaṃ aṭṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៨. បាដលិបុប្ផិយត្ថេរអបទានវណ្ណនា • 8. Pāṭalipupphiyattheraapadānavaṇṇanā
