| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៩. ឋិតញ្ជលិយត្ថេរអបទានំ
9. Ṭhitañjaliyattheraapadānaṃ
៤២.
42.
‘‘មិគលុទ្ទោ បុរេ អាសិំ, អរញ្ញេ កាននេ អហំ;
‘‘Migaluddo pure āsiṃ, araññe kānane ahaṃ;
៤៣.
43.
‘‘តត្ថាហំ អញ្ជលិំ កត្វា, បក្កាមិំ បាចិនាមុខោ;
‘‘Tatthāhaṃ añjaliṃ katvā, pakkāmiṃ pācināmukho;
អវិទូរេ និសិន្នស្ស, និយកេ បណ្ណសន្ថរេ។
Avidūre nisinnassa, niyake paṇṇasanthare.
៤៤.
44.
‘‘តតោ មេ អសនីបាតោ, មត្ថកេ និបតី តទា;
‘‘Tato me asanīpāto, matthake nipatī tadā;
សោហំ មរណកាលម្ហិ, អកាសិំ បុនរញ្ជលិំ។
Sohaṃ maraṇakālamhi, akāsiṃ punarañjaliṃ.
៤៥.
45.
‘‘ទ្វេនវុតេ ឥតោ កប្បេ, អញ្ជលិំ អករិំ តទា;
‘‘Dvenavute ito kappe, añjaliṃ akariṃ tadā;
ទុគ្គតិំ នាភិជានាមិ, អញ្ជលិស្ស ឥទំ ផលំ។
Duggatiṃ nābhijānāmi, añjalissa idaṃ phalaṃ.
៤៦.
46.
‘‘ចតុបណ្ណាសកប្បម្ហិ, មិគកេតុសនាមកោ;
‘‘Catupaṇṇāsakappamhi, migaketusanāmako;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៤៧.
47.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ឋិតញ្ជលិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā ṭhitañjaliyo thero imā gāthāyo abhāsitthāti.
ឋិតញ្ជលិយត្ថេរស្សាបទានំ នវមំ។
Ṭhitañjaliyattherassāpadānaṃ navamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៩. ឋិតញ្ជលិយត្ថេរអបទានវណ្ណនា • 9. Ṭhitañjaliyattheraapadānavaṇṇanā
